近期不時有電單車司機為避免被票控，故意拆走行車證及車牌，實行「朝行晚拆」，泊車後將車牌及行車證拆走，要開車時才重新裝上。網上今日（21日）流傳一段短片，拍攝時間未明，可見一名鐵騎士懷疑拆牌違泊，遭斷正後不斷辯稱不知情，引起討論。
片段可見現場相信為銅鑼灣開平道及禮頓道交界，警員正截查電單車司機，涉事電單車車尾未見掛牌，停泊在路邊雙黃線。警員其後要求鐵騎士打開座椅儲物櫃，檢查後在裏面發現電單車的車牌和行車證。鐵騎士其後辯稱「我都唔肯定，呢架車我好耐無揸」、「我一路都有個車牌喺屋企」。
電單車車尾未見掛牌，停泊在路邊雙黃線。香港鐵騎館FB
警員其後要求鐵騎士打開座椅儲物櫃。香港鐵騎館FB
警員檢查後在裏面發現電單車的車牌和行車證。香港鐵騎館FB
事敗後鐵騎士百般推搪。香港鐵騎館FB
事敗後鐵騎士百般推搪。香港鐵騎館FB
警員警告鐵騎士「你再講大話呢，你就妨礙緊司法公正」。香港鐵騎館FB
警員隨後警告鐵騎士，「你再講大話呢，你就妨礙緊司法公正」，又直言「如果架架車好似你咁，剝咗個牌，掹咗個行車證，之後就可以唔郁擺喺街道？你明唔明白要擺個車牌出來呀」。然而鐵騎士仍繼續解釋，稱「我明白，我明白……我唔記得咗……唔係我拆落嚟，我唔知呀」，警員聽罷即大喝「講畀我聽邊個拆落嚟，拉埋佢」、「邊個唔知呀？架車你嘅喎」。
片段流傳後引起熱議，據悉片段中事件已發生一段時間，並非近期拍攝。另翻查資料，警方近期加強打擊鐵騎士拆車牌違泊，並多次指出即使車輛沒有展示行車證及車牌，警方仍可透過車輛本身的底盤號碼查核車主身分，亦可即時採取拖車行動，呼籲市民切勿以身試法。
---
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料:https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
