小西灣道富景花園一間餐廳，今（22日)早上約7時，一名年約40歲男子，突然衝入餐廳內掟物，又持鉸剪拮向自己頸項，大聲高呼「你幫我報警啦！我喺度咁耐仲冇記者嚟嘅？」最後警員持盾牌趕至將他制服，他回復平靜獲送院檢查，事件中幸無人受傷。
肇事餐廳繼續營業。劉漢權攝
警員持盾牌制服鉸剪男。
男子獲送院檢查。
報檔檔主講述事發經過。
肇事餐廳位於富景花園。劉漢權攝
餐廳對開一個報紙檔檔主憶述事發經過時表示，當時一名約40歲男子衝入餐廳內，「佢搵嘢掟，又大叫你幫我報警啦，又搵鉸剪『隊住』自己。」約20分鐘警員持盾牌趕到，與持剪男對峙，此時男子對警員大聲疾呼「你哋假嘅！我喺度咁耐仲未有記者嚟嘅？」報檔檔主指該男子似有所訴求。其後警員着餐廳職員及附近街坊疏散到安全地方，不久便將該男制服，報檔檔主稱「都冇乜特別，冇乜騷擾人，後嚟都和平送院。」
警方表示，該名男子持鉸剪衝入食店，自言自語，其後受控回復平靜送院，案件列發現精神有異人士。
---
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
