「有腦」自細貼鬼無要求 「鮮肉」包養要做良家婦女
自細認識「有腦」嘅人都話佢無整過，問題係佢入行之後，一直靠身材搵食，未曾泊到好碼頭嘅時候，「有腦」個胸一直似愛美神飛彈咁堅挺，但近年佢嘅身材時大時細，都引為城中佳話。
有名你叫，「有腦」一向好識為自己打算，要一個屋村妹喺娛樂圈要出位，唔放得低又真係無乜機會。最大問題係「有腦」唔多靚，一直以嚟最得啲鬼佬歡心，偏偏埋身都係名副其實嘅死窮鬼。
細細個未夠秤佢就開始湊鬼，而且仲要搵埋錢嚟貼鬼，激到佢勢利老母生蝦咁跳，好彩「有腦」叫做顧家，搵到都唔待薄屋企。如是者貼鬼貼到悶，「有腦」係唔覺意嘅情況下遇到「鮮肉」，呢位仁兄雖然有老婆，但只要一見到身材正嘅女仔，就會搵中間人希望結識，原來佢一直對「有腦」好留意，只欠機會做密友。
阿媽見到「鮮肉」衰衰地都有10位數身家，梗係唔俾「有腦」被飛，於是好出力咁迫阿女做「鮮肉」嘅情人，因為下半世完全唔駛憂。「有腦」雖然有奢想過做正印，但諗到自己嘅出身，又有啲壓力。「鮮肉」要求佢從良，所以連衣着打扮都收歛，做番個賢淑好女人。
【相關文章】：
星8卦丨「才女」自以為靚恨做幕前未如願 煽動公司一姐失敗即炒
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，WhatsApp 91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
