近年香港騙案急升,關注民生、報道騙案及拆解騙徒手法的資訊節目《東張西望》成為TVB收視皇牌,香港HOY TV 77台趁勢分一杯羹,製作15集《東呃西騙》,集騙案重演及時事報導於一身,仲搵埋前「東張女神」林希靈、林泳淘及黃愷怡主力外景採訪,七師傅及Ben Sir(歐陽偉豪)就負責坐堂。身家達10億的七師傅自爆日日遇網騙,還教大家防騙心得,「總之男人搵你要錢,不論咩故事都唔可以畀錢。」採訪:方騫平
![七師傅公開防騙心得,堅持唔好畀錢男人。](https://image.hkhl.hk/f/1024p0/0x0/100/none/4f3cc5a936fab3ba851e764da93affe9/2023-04/Media_05.jpg)
![七師傅及Ben Sir做主持,廠景似足《東張西望》。](https://image.hkhl.hk/f/1024p0/0x0/100/none/096d67bc5ff26f82958b173d936f4791/2023-04/Sequence%2001.05_12_43_10.Still002.jpg)
香港HOY TV 77製作的《東呃西騙》唔止廠景、Icon跟《東張西望》似到足,仲起用「東張女神」坐鎮增加親切感,而TVB舊將黎彼得、梁茵等會扮騙子及苦主重演騙案,Ben Sir及七師傅坐堂做主持,節目於6月初出街,探討嘅都係香港人容易遇上的買古董、買名牌包包、假扮中國特務、內地公安等真實騙案,監製張志明希望以輕鬆手法,得啖笑形式來增加觀眾關注度。
![林希靈於《東張》中為聾啞女出頭,被封正義女神。](https://image.hkhl.hk/f/1024p0/0x0/100/none/c009111fbb1f47e8a8e7faa07f3b80ef/2023-04/2_83.jpg)
![朱凱婷、梁麗翹係《東張西望》老將。](https://image.hkhl.hk/f/1024p0/0x0/100/none/41dec537a4d2f3575bc7203508bea5e5/2023-04/001_12.jpg)
![年前陳彥行在《東張》中哭訴遭理財主管呃簽3千萬保單。](https://image.hkhl.hk/f/1024p0/0x0/100/none/3d51fd7eaaa5e4bc4b4bae1cdad1ec07/2023-04/5_54.jpg)
![吳幸美經常致電為民請命。](https://image.hkhl.hk/f/1024p0/0x0/100/none/a809773bfd2041747ae7b1bb6fd3dd6e/2023-04/10_68.jpg)
七師傅拒玩異地網戀
七師傅除負責主持,亦會客串其中一集扮演「特務」。她直言現實生活,每日都遇上騙子:「騙子會不停喺社交網留言『我好鍾意你,你靚到不得了』、『笑容迷人,天生一副明星相』、『好鍾意你嘴型』、甚至提出有興趣同我合作,叫我介紹吓自己生意,又有自稱育有一女嘅失婚醫生,話想物色好似我咁嘅對象,最離譜係就算我放花花相,騙徒都會留言讚我靚、眼神好迷人,所以好肯定係『殺豬盤』,根本唔知我係邊個。」持有超過10個物業,身家超過10億的七師傅相當機警,絕對唔會踩入網戀騙局:「今年網絡情緣騙案共被騙4億,她堅守『總之男人搵你要錢,都唔可以畀,如果異地戀,見都未見過對方,更加唔會畀。』」
![節目中七師傅也發揮演技扮師奶特務。](https://image.hkhl.hk/f/1024p0/0x0/100/none/9b1ee97a502510283071218cdcac1c51/2023-04/Media_01.jpg)
![七師傅持有超過10個物業。](https://image.hkhl.hk/f/1024p0/0x0/100/none/f7360fddf3cdc46c0410b304ff298e22/2023-04/_DSC9703.jpg)
![身家超過10億的七師傅,家住西貢逾億元獨立屋,面積約5000呎。](https://image.hkhl.hk/f/1024p0/0x0/100/none/fcb2813775380eb5377f9319300a8d31/2023-04/_DSC9803.jpg)
![獨立屋內有水晶吊燈。](https://image.hkhl.hk/f/1024p0/0x0/100/none/03643553297d46afcc36b57a76e105d7/2023-04/_DSC9823.jpg)
![七師傅在太子設新佛堂。](https://image.hkhl.hk/f/1024p0/0x0/100/none/6a766f9db82394bd42062cb40746c915/2023-04/FB_IMG_1682247016802.jpg)
![七師傅做主持轉數快。](https://image.hkhl.hk/f/1024p0/0x0/100/none/232926da9b0dc21e215d6e67a7bf1d97/2023-04/Media_02.jpg)
![七師傅做主持帶有喜感。](https://image.hkhl.hk/f/1024p0/0x0/100/none/f555862ac311fd6f0a7ca57c117f8186/2023-04/Media_03.jpg)
黎彼得戒晒嫖賭飲吹
Ben Sir笑言接咗呢份job經已係一個騙局!因為很費力氣,扮完苦主及騙徒,晚上還要入廠跟七師傅做主持:「師傅轉數咁快,我要見招拆招,好彩兩個加埋係過百歲精英份子,而且呢種模式嘅節目,電視台未做過,辛苦都值得。」去年做完「通波仔」手術後陷財困的74歲黎彼得(Peter),慶幸至今每月仍獲劉鑾雄 (大劉)經濟支援,托賴可以過住半退休生活,今次監製叫到幫吓手。離婚多時的Peter坦言會寂寞,但幾年前戒晒嫖賭飲吹,𠵱家身邊只有健康嘅朋友:「我睇得好化,邊度會咁易被情騙呀?屙篤尿照吓憑乜先?你估我係李龍基呀,佢有7層樓,我一層都冇!」也坦言以前會去內地逢場作興,但只要同錢掛勾,各取所需就冇事,玩情就玩唔起。
![Ben Sir啲戲唔錯。](https://image.hkhl.hk/f/1024p0/0x0/100/none/bbbc803fe85cea0966b46245836cddd6/2023-04/Sequence%2001.00_21_58_14.Still016.00_00_41_24.Still003.jpg)
林泳淘最意外同林希靈離開TVB後,反而多咗碰頭機會;至於希靈入到廠如同置身一個熟悉嘅地方,好有親切感。兩女自言從未被騙,但希靈就收過祼聊訊息,而鍾健威就透露有朋友嘅媽咪,被「內地公安」呃咗300多萬。
![林希靈係醒目女唔易被騙。](https://image.hkhl.hk/f/1024p0/0x0/100/none/955b0fd2ffcfd2291b79ce926c794661/2023-04/DSC_8468.jpg)
![前「東張女神」林泳淘負責為《東呃西騙》外景採訪。](https://image.hkhl.hk/f/1024p0/0x0/100/none/01bf1569f9d35717bd4f5b256d941444/2023-04/Sequence%2001.00_54_58_07.Still004.jpg)
![林泳淘訪問苦主。](https://image.hkhl.hk/f/1024p0/0x0/100/none/db597210f8294c8a973fa0b5fb26754c/2023-04/Sequence%2001.00_21_58_14.Still016.00_00_30_21.Still001.jpg)
![林泳淘早年經常為《東張西望》出外景。](https://image.hkhl.hk/f/1024p0/0x0/100/none/af3bfc5c70e0fc8f30c2592818fe2c57/2023-04/20_21.jpg)
![林泳淘分散投資冇被騙。](https://image.hkhl.hk/f/1024p0/0x0/100/none/c0dfd5a8244f5670a8fdeee220cea7ed/2023-04/DSC_8496.jpg)
![林泳淘愈來愈靚。](https://image.hkhl.hk/f/1024p0/0x0/100/none/4e3f1f760f5562ec7c1f48b773480329/2023-04/DSC_8500.jpg)
《星島頭條》APP經已推出最新版本,請立即更新,瀏覽更精彩內容:http://www.stheadline.com/