TVB綜藝歌唱真人騷《中年好聲音》決賽於今晚（23日）舉行，最後六強李佳、龍婷、吳大強、顏志恒、羅啟豪及周吉佩，將大戰兩個回合爭奪冠、亞、季軍殊榮，最終賽果會綜合專業評審評分及觀眾投票。首回合眾參賽者各自演出一首慢歌及一首快歌，最終吳大強和龍婷大熱倒灶，羅啟豪以193分勇奪季軍，周吉佩與李佳分別以196分、195分殺入終極兩強。
【點擊睇決賽精彩演出】：
第二回「自選必殺歌」，李佳以Whitney Houston的《Greatest Love of All》，對戰周吉佩一曲陶喆的《愛恨簡單》。對於兩人的表現，評審肥媽一開聲即落淚：「兩個都好盡力，唔識講…兩個都好用Feeling，真係真心去唱，係實至名歸，兩個邊個贏都係應該。」至於譚詠麟指周吉佩今次是比賽以來最渾身解數，李佳則表現穩陣，B哥哥鍾鎮濤就讚二人大躍進，結果周吉佩以115分贏得冠軍，李佳則以4分之差屈居第二。
公布賽果一刻，一臉難以置信的周吉佩隨即爆喊，身旁的主持人車婉婉亦眼泛淚光上前擁抱，周吉佩淚流滿面哽咽道：「好多謝《中年好聲音》呢個比賽，好多我太太，我諗都冇諗過真係有機會喺呢度攞呢個獎，因為好多人留言成日同我講『要紅晨早紅咗啦，點會而家先嚟紅呀』，但我成日都唔想放棄，因為我真係好鍾意好鍾意唱歌。」並謂十多年來打工賺錢也是為唱歌，一路走到今日很感激《中年好聲音》一班戰友、評審、粉絲，他續說：「我從來都冇Fans，（參加）呢個比賽我竟然有Fansclub。」
最後，周吉佩分別從譚詠麟及TVB高層曾志偉手上，接過獎座和價值35萬元的鑲鑽無線咪。被問到幾時開《中年好聲音》第二季？曾志偉宣布即晚（4月23日）晚上11時起接受報名！
【其他文章】：
中年好聲音決賽｜吳大強獲囝囝撐場唱到甩beat 顏志恒被狠批唱腔似無病呻吟
中年好聲音決賽丨羅啟豪跳舞「謹慎」似彭建新？ 周吉佩星味爆發一原因被彈唔夠Energy
中年好聲音決賽丨李佳閃爆流蘇短裙晒香肩小露性感跳唱 似開騷台風勁冇甩碌
《星島申訴王》於3月1日隆 重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
