亞洲心動娛樂(AMM)將會為6月13日舉辦《宇宙榮耀搏擊拳賽》，亞洲心動娛樂董事賴彩雲博士率嘉賓梁茵、莎拉等出席有關記者會，而藝人陳國峰（Penny）今次更以為參賽拳手身分出席，屆時跟只得22歲嘅職業籃球員兼籃球教練陳耀燐打明星賽，決一高下。
職業籃球員及籃球教練陳耀燐打明星賽決一高下。
陳國峰要贏人先要贏自己。
亞洲心動娛樂董事賴彩雲博士舉辦好多大Project。
亞洲心動娛樂將於6月13日舉辦《宇宙榮耀搏擊拳賽》。
暖男爸爸陳國峰抱埋囝囝出席記者會。
陳國峰及梁茵都係前TVB人。
陳國峰好珍惜擂台：「感激上天畀呢個機會我，我入行10幾年，我曾行上過好多舞台，但𠵱家40歲踏上第一個未踏足過嘅舞台，仲係擂台，參加第一個拳擊比賽，所以係緣份，係個好大嘅挑戰。」他形容今次最大敵人係自己：「我40歲仲覺得自己後生，但今次我嘅對手比我後生18年，只得22歲，所以除挑戰年青人，仲係要挑戰自己，包括年紀，體能，反應及身體復元狀態，我都一度懷疑過自己得唔得？當不停去操練嚟增強自己能力及技術後，我覺得自己係得嘅，引用張家輝及歐錦棠電影台詞『上得台就唔好怯，怯就輸成世。』來激勵自己，呢句說話會記一世。不論決賽能否勝出都叫贏咗自己，所以會好珍惜呢次機會，唔係放眼喺出賽費，反而重視個獎杯，希望完成自己呢次挑戰後，打得好仲有下次比賽。」
陳國峰好珍惜打擂台機會。
𠵱家積極備戰。
張家輝喺電影《激戰》中嘅金句最有勵志性。
歐錦棠嘅打拳嘅努力都有鼓勵作用。
2019年陳國峰曾舉行首個音樂會，新歌歌詞太到肉，陳國峰獻唱時即落淚。
爸爸在天之靈到場支持
他相信比賽當日媽媽未必嚟睇：「都唔想佢睇到咁刺激嘅嘢，但我希望在天之靈爸爸會在場支持我。」賽前最重要準備體力，因為對手好強，不單止年青，仲係職業籃球員兼籃球教練。
唔敢畀媽媽觀戰。
因疫情曾陷入經濟困境的Penny是否為生活而搏老命？他堅持不算係搏老命：「因為有拳證，打拳喺香港甚至世各地都好安全，有乜唔妥拳證都可以控制到所有嘅事，所以主要係同自己交代，證明打拳唔會受年齡限制。」不過，打拳打難免會受傷及攰到會跛住腳，小朋友仲細都太知道咩叫受傷，有時會問：「爸爸係咪受傷整親呀？」
陳國峰曾得到TVB十年老人牌。
陳國峰與太太Wing育有兩子。
兩子好可愛。
陳國峰為家人肯試新嘢。
《星島頭條》APP經已推出最新版本，請立即更新，瀏覽更精彩內容：http://www.stheadline.com/
