一名港女日前在「香港討論區」，不服氣地以「男朋友阿媽話唔可以叫男人買呢樣嘢……」為題發貼，講述未來奶奶唔鍾意阿仔幫她買M巾（衛生巾）。
結果，回應的網民意見有正有反，力撐港女的指「我都幫女友買」，認為「都係日用品一種，邊個買都得」，反問「唔通流住血咁去買咩？」；站在未來奶奶一方的則指，「又真係唔啱！自己用，自己買」、「一次半次其實又冇所謂，不過唔應該老馮」。
樓主帖文及網民回應：
樓主講述事情的背景時指：「上星期我M（經期）到，有一晚發現冇晒M巾自己唔知，我好少咁大頭蝦冇買定存貨㗎，就迫住問我男朋友可唔可以幫我去買。
男朋友都好，話梗係可以啦，仲好搞笑咁問我要點樣揀？問我要有翼定無翼，咁多款應該要點揀？我畀咗張圖佢，叫佢跟住張圖去買……佢好順利買咗佢人生第一次衛生巾，果時覺得自己男朋友好貼心，真係好。
點知我男朋友阿媽知道咗佢仔幫我買M巾，竟然叫我唔好再叫佢個仔買呢啲嘢……佢話係街人哋見到會以為佢仔係變態喎！！！我男朋友都有答返佢媽，唔覺得尷尬同埋唔覺得人哋有用奇異眼神望住佢。係人都知應該係幫人買啦……點會係變態。佢呀媽最後仲要話我好心接近用晒就要買定啦，就唔駛搞咁多嘢……
好無奈……明明佢都係女人，點解咁諗？男人買M巾有咩問題先？」
回應的網民大都認為，這是男友或為人丈夫的體貼表現，但也有人持反對意見：
支持男人代買M巾：
「真係好」、
「好少事啫」、
「我都幫女友買」、
「唔覺有乜問題喎」、
「咁小事，點解唔可以買？」、
「都係日用品一種，邊個買都得」、
「痴線佢阿媽，唔洗答佢，當聽唔到」、
「好老公，你愛他就唔會覺得尷尬啦！」、
「呢個世界唔係男就女㗎啦。咁緊急情況唔係身邊人幫手，唔通流住血咁去買咩？」、
「我老婆啲M巾都係我幫佢買，我就唔覺得尷尬。有時佢喺U記網購咗啲bra同底褲要去門市拎，因為順路，都係我去拎」。
不過也有網民抱不同看法：
「唔好小事變老馮就啱」、
「又真係唔啱！自己用，自己買」、
「一次半次其實又冇所謂，不過唔應該老馮」、
「有啲嘢即使睇落小事唔介意，但都要顧及當事人同周圍人感受，就如買內衣褲，阿媽可以幫仔買，但阿爸唔會幫女買一樣（即使單親）」、
「小事。既然伯母唔鍾意， 順佢意攞。如同女仔著熱褲， 男人出街著拖鞋， 女人去買偉哥，真係有問題嗎？ 其實唔係大件事， 但就係有人會唔鍾意」、
「女人唔好咁大頭蝦，M巾一定要有足夠存貨， 唔係用晒先買， 係用剩一包就已經要補。用廁紙乜都好塾住先， 自己行兩步落街買都得啦， 除非痛到唔郁得要搵人幫手啫。屋企真係無人幫手買？叫男朋友幫手， 最好只此一次， 家下雖然男女平等， 但勿讓過於私密的事當無所事事」。
另有網民將重點放於「妳男朋友會同佢阿媽講幫妳買M巾？」、「0分，不過若真，事無大小都會和媽報告的男人，小心」。
帖文來源：香港討論區
相關新聞：
發帖呻婚後愛情消失 新手人妻無奈總結：勝過獨行
呻與夫平淡如水人妻發帖圍爐 竟突然自爆曾有外遇......
夫妻情侶出街食飯全程唔講嘢 網民理性分析結論係......
人妻呻老公成日返大陸過夜 網民獻計圖一招封喉
人妻想搬開唔同老爺奶奶住又怕兩老嬲 網民有計仔......
港鐵故障致人妻出軌斷正 夫捉姦在床後反應令人意外
同場加映：
實測「口罩當bra戴」 網紅著上街即心驚：會被警察拘捕嗎？
口罩在疫情下成為常備物品，家庭都儲存大量口罩，有網紅忽發奇想，實測口罩是否可以「當bra戴」，而且還親自穿著上街走一轉，結果一踏出家門即心驚。
【實測「口罩當bra戴」｜過程全面睇｜附足本字幕↓↓↓↓】
台灣網紅沈霏霏與另一網紅黑男邱比特，測試「口罩當bra戴」，過程惹笑，但又不失有一定根據，而最終沈霏霏更戴上街，以證明「貨真價實」，在網上引起熱議。
這次特別的測試由網紅黑男邱比特負責設計，他特別留意bra的承托力及繩索的穩固，他更給這款獨一無二的胸圍命名為「口罩New Bra」。
他表示，設計為巴西式，即口罩斜著罩，而非一般的正面罩，口罩的骨架可以當胸圍的鋼圈。
他特別指出，口罩的體架支撐點比較小，配戴時還是要用一個New Bra捏住。
兩人在完成設計後，更特地由沈霏霏載上「口罩New Bra」上街實測，沈霏霏一著上街似感心驚，笑言：「等一下會不會被警察攔住，說我們妨礙風化。」
影片看到他們在晚上上街，未見有太多路人，兩人在街上走了一會，影片即告結束，最後未知實測情況。
