肥媽Maria Cordero、李家鼎及游嘉欣主持的飲食節目《肥媽李鼎》，今晚（8日）播出第七集，主題是「富貴如浮雲」。肥媽透露食過最貴一餐飯，埋單要70萬元：「淨係個頭盤，每人一碗粥都要24萬，當然唔係我畀啦！」李家鼎與游嘉欣即好奇到底食甚麼？肥媽說：「鰻魚苗熬粥，好似蝌蚪條尾長少少咁，我即刻問可唔可以唔食畀番1萬銀我。」
【相關閱讀】：肥媽李鼎丨肥媽自爆最窮得36蚊喺銀行 李家鼎廿蚊雞翼食一個禮拜
【點擊睇肥媽講豪食70萬】：
游嘉欣重提肥媽投資失利損失數千萬一事，肥媽大方回應：「記得當時就係喺呢度拍緊嘢，我煮緊嘢時，秘書同我講話個股價由8蚊跌到8個仙，我直頭企咗喺度，但我都有煮埋佢，唔通停晒手唔做咩。」她承認當時心情低落：「嗰時我把口衰，話有幾千萬喺個袋度，可以退休，點知一講退休呢兩隻字就玩你喇，所以我以後唔講退休。」肥媽續指當年將股票套現後還剩200萬元，她竟給同樣跌落谷底的老友解燃眉之急，相當有情有義。
李家鼎自揭曾有機會做「李小龍第二」：「70年代頭同美國嘅華納兄弟簽咗三套戲，仲已經落埋訂，我心諗今次發達喇！」惟後來出現突發事件，令其進軍荷里活的夢碎。肥媽聞言即忍不住指若當年計劃成功，會比周潤發及成龍更早打入荷里活，李家鼎嘆謂：「真係食咁多着咁多，整定嘅。」
明晚播出的第八集預告，曝光李家鼎年輕時的爆肌相，健碩腹肌粒粒分明，相當吸睛。游嘉欣自爆最愛「隱性肌男」：「我鍾意穿衣顯瘦，脫衣顯壯，即係着咗衫唔覺有6嚿腹肌，一除衫就wow嗰啲。」
【其他文章】：
獎門人丨陳星妤熱褲look玩遊戲洩春光 鏡頭前失手露黑底儀態盡失
《愛回家》Bonnie與好閨密郭嘉文行孖咇打卡 慳家貼地青春look十足鄰家女孩
法言人．劇透丨何依婷玩制服誘惑誤墮色慾陷阱隨時失身 馬國明決向林夏薇回應感情
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
