惡鄰居滋擾問題屢見不鮮，但情況愈見嚴重，的確好令人困擾。今晚（9日）《東張西望》收到住在天水圍的觀眾「黃太」報料，指同層的一對夫婦長年滋擾鄰居，不但發出噪音及粗言穢語、又會撳鄰居門鈴、踢水錶箱，甚至裸體在走廊行來行去，令鄰居擔驚受怕。
【相關閱讀】：東張西望丨已婚大學教職員疑出軌逾10女兼偷拍性愛片 老婆大義滅親揭發惡行
【點擊睇惡鄰居滋擾行為】：
黃太表示在該屋苑屋住10多年，一直相安無事，直到2018年惡鄰居遷入，就令同層街坊飽受滋擾，因該對夫婦接二連三做出多樣令人匪夷所思的行為，嚇怕街坊。黃太透露事件期後在家中的防盜眼裝上鏡頭，有一晚10時許被人按門鈴，她與丈夫透過翻查錄影片段，見到女戶主原本穿上背心的衣物，在走廊上行來行去，之後愈穿愈少，最後更裸體在多家人門前轉來轉去似照鏡。黃太當時曾經報警，而該女戶主就一時拎長棍在走廊行，一時拎平底鑊。女戶主更試過在深水埗不滿69歲婆婆擺檔，雙方爆發罵戰，有人就發難扑穿婆婆個頭；又試過在天水圍一屋苑商場除褲便溺，以及僅穿胸圍、內褲遊，警方當時到場調查，已懷疑女方精神有問題。
女戶主突然搬走後，男戶主開始性情大變，不但大聲鬧人，大喊大叫講粗口，更可以持續發出噪音兩、三小時，雖然不少街坊已多度報警，但未能改善問題。片段見到男戶主多度踢水錶箱及鬧人，有鄰居曾見過男戶主開門吸煙或上香，更導致整條走廊都有煙，坦言害怕被男戶主毆打：「我就驚呀，其實我透過警察知道，佢係有精神病患，我哋都盡量體諒，不過體諒都要合理。」男戶主又經常點香燭拜神，因燒到整條走廊都是煙，因而試過驚動消防上門。每當有人作出投訴，男戶主的行動就會升級，作出行動報復，黃太指房屋署對男戶主的破壞行為，卻表示不追究，因為沒有損毀。
黃太的女兒坦言好害怕：「佢成日喺度大叫，有時我瞓覺時佢喺度踢門。佢有時仲話『殺咗你個女』」，有指男戶主會經常偷聽人講說話。節目組為了解情況，派出主持梁敏巧進行採訪，男戶主一聽聞是《東張西望》，大鬧：「食屎啦！無嘢可以幫我，行X開啦！」問到點解要大嗌時，男戶主大罵：「行開啦！唔好騷擾我呀，我報警關你X事」，至於點解要踢水錶箱，男戶主繼續鬧梁敏巧：「假情假義，七情上面，做床上戲啦！」
已向房署投訊逾百次的黃太，亦試過聯絡其他有關部門，但房署調查期間，未有向黃太派發問卷，令黃太覺得滋事的戶主受到縱容。曾在保安駐守該層了解情況，但保安只能勸喻對方，以及記錄問題，但要交給主任處理。節目去信房屋署，已向住戶作出警告及執行扣分。
【其他文章】：
43歲葉璇新古裝劇演18歲少女嚇親網民 現皺紋雙下巴仲扁嘴扮可愛
46歲劉謙「魔術穿崩」後消失四年終蒲頭 曾與李蘊拍拖一年疑劈腿戀富三代千金
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
