今年83歲的楊依依入行20多年，雖然說起她的名字未必會記起她，但只要看到楊依依的樣貌，所有電視迷都就一定會說出「原來係佢」！楊依依演出過逾180部作品，在多部劇集中演出「婆婆」角色，包括《同事三分親》、《使徒行者》、《愛回家之開心速遞》等等，也曾演出《鬼同你住》、《殺出個黃昏》、《殭屍》、《鴨王》等電影。
【相關閱讀】：「御用紙皮婆婆」許碧姬60歲入行全因腦中風女兒 每日為見一面搭2小時巴士
【點擊睇83歲楊依依受訪】：
最近楊依依接受「演藝人協會」訪問，披露多年來的身世，早年在廣州成長的她父親為著名粵劇作家楊子靜，是廣東省粵劇院六個劇團的總編據，更經常有為紅線女、馬師曾等撰寫劇本，她與幾姊妹原想跟紅線女學唱戲，卻遭父親反對：「佢話做一個正印花旦，一定要有十年功夫，聲色藝俱全，呢十年你唔讀書，你就冇知識、冇文化，將來就冇用。」後來楊依依畢業後，到小學任教，也認識到丈夫的母親，至80年代她輾轉來港擔任護士，期後任職私家看護直至60歲退休，亦成為她轉行做演員的契機。
楊依依在訪問中說：「我唔係香港畢業，係登記護士，到60歲就唔請。我成日睇電視，睇到劉德華、汪明荃、薛家燕，成班人做戲做得好好，我都好想做戲。」而入行機緣，竟是來自到老人院做義工的經歷：「有一次我做義工，去老人院唱歌𠱁老人家，其中一個可能係導演，佢介紹我去演戲。我去無綫8樓辦公室登記，負責人叫我試戲，表現喜怒哀樂表情，我做晒出嚟畀佢睇，睇完就幫我登記，之後我就喺無綫做咗特約廿幾年。」
對於難忘的拍攝經驗，楊依依坦言不少老人家都忌諱瞓棺材，她透露梁詠琪10年前執導愛護動物協會的微電影《被遺棄的》，需要一個長者瞓棺材演出：「好多老人家都話『大吉利是』唔肯做，後來我知道咗，我話『我做，我幫你做。』我去到間廟，真係有個大棺材，又用我張相嚟做拜祭，我都繼續做。」
楊依依年屆80歲依然身體健康，她直言：「愈開心愈長壽！所以我成日說，老人家要『五不十得』，唔好食咁鹹、唔好食咁肥、不要食太甜、不要食太飽、不能食太餓，就係『五不』；至於『十得』，就係行得、瞓得、食得、睇得、聽得、講得、聞得、做得、記得，最後就係有能力就要幫得人！咁我哋就會健康，最重要係開心。」一口氣數出「五不十得」，中氣十足！
除了保持開心，楊依依心境亦保持開放：「做演員要虛心學習、睇多啲戲，唔好成日以為自己最叻，要學到老做到老。所以我唔會退休，有戲做就畀我做，我做得到嘅一定會做。做人要謙卑、忍讓、包容、寬恕。」她更表示即是使大學生作品，只得車馬費、食費都肯拍：「我希望大學生能夠早啲成才，演藝界能夠出現更多好演員，所以我一定拍落去！」即使年事已高，但楊依依對演藝界依然充滿熱誠，令人動容。
【其他閱讀】：
母親節丨李嘉欣搶先慶祝唔晒名牌袋改晒一奢華物 12歲仔已跟媽媽平頭戴黑超勁型仔
東張西望丨臨時抽起「工廈淫窟」觀眾詐型 首席女神李旻芳小背心採訪息民憤
王祖賢近況曝光被批醫美過度兼鬥雞 網民爆料溫哥華一堆物業 傳身家超過78億
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
