方皓玟（小明）昨晚假亞博舉行《KATEC OUR LIFE》演唱會，戴上面罩、身穿低胸裙的小明出場，唱出《Lady Copy》、《虛偽》及《TMD》等歌曲，而在演唱期間，小明在台上脫下面罩及半截裙晒長腿。
【點擊睇方皓玟《KATEC OUR LIFE》演唱會現場】：
甫開場不久，小明即擺烏龍，事緣當她與嘉賓JNYBeatz唱出《Vanish Mode》前先閒聊，不過傾完小明卻打算返回後台，而當JNYBeatz唱出《你是我的Bae》時，193突現身合唱，表現興奮的他更一度忘記歌詞，合唱後193大叫好開心，他指這首歌出了兩年，一直很想跟JNYBeatz唱Live，今晚終於可以圓願：「頭先上到嚟，我係完全唔記得歌詞，太開心，終於同台喇！」
到演唱會中段，小明唱出《All We Have Is Now》時，ERROR以嘉賓身份現身，全場即時起哄，肥仔在唱完後錫了小明的手，而193就扮想錫小明的咀，令她即時嚇親向後退，肥仔問小明為何會邀請ERROR做嘉賓，小明表示因有次聽到ERROR講國語而著迷，之後就很想跟他們合作，保錡聽完後即指《All We Have Is Now》應該用國語唱，之後更與三子一起用港普唱了一段，令全場瘋狂爆笑。之後ERROR指今日是520，所以要跟觀眾玩咀嘴遊戲，193亦不時搞事地叫觀眾「打車輪」，之後193表示知道妹妹今天也有來，但他在台上搵妹時，妹妹也沒有回應，之後ERROR便唱出《愛情值日生》。
演唱會尾聲，小明唱出新歌《It's Not Your Fault》、《假使世界不像你預期》及《人話》，而當小明唱出《你是你本身的傳奇》，全場歌迷即時企起身一起大合唱，唱完後小明說：「I love you all！多謝你哋，下次再見喇！」不過完場後歌迷一直不肯走，大叫「Encore」，而小明最終亦再度現身，她指因要拍全場大合唱片送給身在外地的黃偉文（Wyman），故再唱出《It's Not Your Fault》。
受訪時，小明的兒子Luca突然出現，影相期間更應要求錫媽媽，小明指囝囝做足準備來看演唱會，故之後會奬零食給他。提到演唱會反應很好，小明指還未有打算開part2，因為現時將焦點放在傾談巡迴演唱會，稍後亦會推出新歌及其他工作上。問到請ERROR做嘉賓是否自肥？她說：「都算係，因為公司本來想請Lolly Talk，佢哋鍾意睇女仔，但我就鍾意睇男仔，所以大家角力咗一輪，最主要係我覺得佢哋好搞笑，可以帶畀觀眾好多歡樂，所以都好想自己嘅騷有佢哋出現。」
小明又大讚ERROR是最佳的表演嘉賓，因為他們好Talk得，給了她很充足時間換衫做準備，又笑指當自己失意的時候就會重溫ERROR講國語的影片：「睇返都覺得好歡樂，講得最勁嗰個係保錡，我覺得193都唔錯，講講吓可以爆埋粗， 好有自己嘅風格，因為我最鍾意啲好有型嘅人，佢哋真係由裏面發出嚟嘅。（想唔想之後有合作？）有諗過，但要睇吓喺音樂上定拍攝上，但未提出，之後再算，因為今年我都會同唔同歌手做Crossover，下一首嘅歌會係新生代歌手，我自己都好想感受吓新世代佢哋對音樂嘅睇法，睇吓有啲咩化學作用做到出嚟。」對於她指要將全場大合唱影片傳給Wyman，小明指對方很好，幫她寫了一份很好的詞，所以苦口婆心叫歌迷苦練歌曲。
【其他文章】：
康城影展2023丨吳千語激罕谷湯碗胸行紅地氈 生圖流出驚變闊面歪嘴兼生鬚
有線新聞主播跳Jisoo「開花舞」搞到工都冇埋？被轟業界恥辱 疑惹高層不滿跳槽成泡影
張學潤逝世丨陸詩韻感NelNel開朗不信有情緒病 遺屬若需幫忙一定伸援手
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
