網上瘋傳一段影片，有一名中年男乘客疑似「搭過龍」，於是在巴士車頭不斷大力拍車長旁邊的矮門，又爆粗鬧車長兼搶走其cap帽，但始終未能成功落車。影片引來熱議，有網民指巴士行駛期間是不能貿然停車，笑言該名乘客患有「王子病」，「要落車都唔撳鐘，有乜好怨？自己錯咗，要人哋畀excuse都仲咁大聲」。本網正就事件向冠忠巴士查詢。
今日（23日）有網民上載一段1分30秒的影片，留言「提提大家，落車記得撳鐘」。從影片見到巴士內的巴士櫈顏色為綠色，車頭燈廂位置顯示下一站為東涌纜車站，相信為新大嶼山巴士。當時巴士正在燈位等候，車內未見有太多乘客，一名身穿杏色上衣的中年男乘客站在落車位置大吵大鬧，要求落車，但車長未有理會，其後該乘客怒氣沖沖，衝上車頭不斷大力拍車長旁邊的矮門，「你開啦！我走咗落去啦！我行好遠呀已經！我趕時間呀！點呀！」。
中年男乘客疑見到車長非常淡定，未有想開門的意慾，竟開始咆哮爆粗，「你快X啲開門呀，你開道門我行落去咪得囉」。雙方大約靜止15秒左右，車上乘客亦開始有微言指責中年男乘客，他竟一手搶走車長所戴的CAP帽，更揚言「我唔敢打你， 我X你老母姐」。片段就此結束。
影片未有提及事發時間及地點，網民看後議論紛紛，不少人都認為該名中年男乘客「搭過龍」遲落車只是一件小事，毋須向車長動氣及使用暴力，「建議做法：同佢講『先生，你講完未？未就停係度等你講埋先，講完唔該你番入去坐先繼續行程』」、「佢仲要鬧車長，做人咁食古不化」、「好聲好氣唔得嘅」、「唔敢打人，但在公共交通工具上講粗口，違反附例」、「要落車都唔撳鐘，有乜好怨？自己錯咗，要人哋畀excuse都仲咁大聲」、「呢個人應該有王子病，要人就晒佢」、「唔係巴土站，冇特別原故開門落客，個客發生事故，個巴士司機會有機會俾人告」。
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
