肥媽（Maria Cordero）、李家鼎（鼎爺）及游嘉欣主持的TVB飲食節目《肥媽李鼎》，今晚（24日）10時30分將會播映最後一集，主題是「最多謝的人」。肥媽表示最想多謝的人是她的「恩人」、已故金像導演林嶺東先生，她說：「嗰時我喺一間Disco唱歌，佢成日嚟聽我唱歌，覺得我把聲似黑人。」
【相關閱讀】：肥媽李鼎丨游嘉欣竟然話生蠔似精子以形補形嚇親肥媽 寸嘴鼎爺：食蝌蚪吖笨
【點擊睇最後一集肥媽李鼎】：
肥媽透露當時林嶺東收泰迪羅賓寫歌給她：「之後佢叫泰迪羅賓作咗首黑人怨曲畀我唱，點知一唱，周街啲人叫我『嘥氣』，咁就入咗呢行。」肥媽分享與林嶺東先生的趣事：「佢嗰時晚晚嚟好似返學咁，我每晚都會唱《We Are The World》，呢隻叫校歌，我就叫校長，嗰時好好玩，真係唔捨得。」
李家鼎最想多謝的人是曾勵珍：「我由藝員做到煮食嘅主持，都係珍姐極力推薦我嘅，我有天大本事都冇用，都要有人畀機會先得。」李家鼎自揭當初拍《阿爺廚房》前經歷了三次試廠：「真係試到我忟，覺得我眼神惡同聲氣大，前前後後試咗三次。其實佢都好重視，如果唔係都唔會嘥錢試你呢個傻佬啦。」自言和珍姐好friend的李家鼎，更即場模仿珍姐招牌動作「睇吓點」，獲游嘉欣大讚神似。
至於游嘉欣最想多謝的人，是找她拍攝劇集《香港愛情故事》的監製林肯：「我當時真係一個𡃁妹乜都唔識，佢夠膽畀一個重要嘅角色我做，佢真係好夠薑，如果冇佢當初咁大膽選用我，就冇今日我坐喺度同兩位講嘢。」之後肥媽畀機會游嘉欣對着鏡頭向珍姐推介自己，游嘉欣竟然怕醜得面都紅晒，非常可愛。來到節目尾聲，身為廚房killer的游嘉欣為答謝兩位前輩的照顧，非常有心地提早到場炮製「游氏釀冬瓜」慰藉兩老。
此外，肥媽自爆早年曾被人屈過檔亞視，令她無份參演大騷導致收入大減，後來肥媽索性疊埋心水做生意，她說：「其實我要多謝佢，如果冇佢，我都唔會開咗18間卡啦OK同有Live Band唱歌嘅地方。」肥媽透露該人的背景：「呢個人大家都識好出名㗎，佢細過我而家都5張。」
【其他閱讀】：
王曼喜與豪門同性伴侶美國逾4000呎愛巢曝光 花園兼私人泳池私隱度極高性感打卡冇難度
90年亞姐施綺蓮激罕現身帶女睇騷 經典「王小虎眉」撞樣張栢芝！
一舞傾城丨姚子羚高衩旗袍翹腳坐不慎失守露打底褲 文凱玲谷胸竟然被嫌棄
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
