中印混血兒、入行二十二年的蔡宛珊（Sarika），自從一五年簽了林盛斌（Bob）做她經理人後，人生大逆轉，Sarika開心的說：「Bob真係一個超級大好人，就算唔相熟嘅，佢都會幫手，出心出力！佢會想盡辦法，諗吓點樣去幫你。其實，我哋識咗好多年，不過喺一五年左右，一齊做司儀再撞番。」
她續說：「當時Bob竟然同我講：『既然我哋成日拍住做司儀，不如你簽埋我公司呀？』我當然求之不得啦！Bob真係一個不可多得的好老闆、好朋友。因為佢呢個人好正能量，仲係我人生導師，所以我每一次人生有大決策都會問佢。」
在一九年，Sarika一度成為新聞焦點，因為有指姚子羚搭上了她的前夫Raymond，所以她失婚的消息也隨之而曝光。Bob出名是娛圈月老，必定有幫她做紅娘吧！她哈哈大笑說：「我呢家拍咗三年拖嘅紋身師男朋友胡仔，係我自己識番嚟㗎！佢好錫我，因為我哋兩個都好鍾意戶外活動，所以性格好投契，兼且我哋大家都係有過去嘅人（曾經離婚），所以好多嘢都順其自然，唔會強求。加上，我冇諗過生小朋友，所以唔會諗住結婚。」據悉，胡仔曾有再婚的念頭；然而，Sarika仍未有準備，所以惟有再等待時機。

Profile

姓名：蔡宛珊
英文名：Sarika
年齡：38歲
三圍：32"D、24"、34"
身高：168cm
入行：陪朋友interview model，竟然被看中，因而入行做model，及後轉做司儀。
學歷：香港公開大學語言研究學士（英文）、愛丁堡納皮爾大學廣告及公關學士、菲臘牙科醫院手術助理課程等。
代表作：《尾二一屆口罩小姐選舉總決賽》的司儀、Netflix劇集《把砒霜留給自己》等。