近日熱播的無綫劇集《一舞傾城》中，兩位「王牌媽媽生」陳法蓉和莊鍶敏，帶着一眾打扮得花枝招展的舞小姐，在燈紅酒綠的夜總會，過着紙醉金迷的日子。不過，風光背後，淪落風塵打滾的女子，要出賣色相維生，更要笑臉迎人，其實每個都是可憐人，各有唏噓的下海故事！
現實中，陳法蓉、莊鍶敏、蔡潔、姚子羚、陳星妤、鄺潔楹、文凱玲、莊思明、趙碩之及顏仟汶，都在人生路上經歷了不少，一樣各自擁有一些鮮為人知的淒慘史，從而成就了今日的她們。
《一》劇的兩位當紅「媽媽生」陳法蓉和莊鍶敏，率領一眾姊妹：姚子羚、蔡潔、陳星妤、鄺潔楹、文凱玲、莊思明、趙碩之及顏仟汶，向本刊細訴她們的人生凄慘事。
陳法蓉：痛失好媽媽
身為萬國城夜總會首席媽媽生「沙律媽」的陳法蓉，率領的舞小姐，包括︰蔡潔、陳星妤、鄺潔楹及文凱玲；而這班囡囡均是超班馬，夠靚、夠後生，力壓全場。至於姚子羚則是她的助理媽媽生。
劇中，陳法蓉為幫受冤獄的丈夫唐文龍，籌錢打官司，被逼在歡場打滾，令觀眾看到眼濕濕。而她就分享一段現實中非常淒美、動人的愛情故事：「我父母昔日係自由戀愛，當時媽咪喺台灣嘅家境唔錯，爸爸係去台灣讀書嘅窮學生，最終媽咪唔理家人反對，打工去支持爸爸，後來仲跟爸爸私奔來香港。縱使佢喺香港冇朋友、家人，但為咗愛情，媽咪義無反顧。」
陳媽媽為愛勇往直前，更為腹中的BB，拼命跟病魔對抗。她憶述︰「我得好幾歲時，知道媽媽有癌病，但當時佢懷咗妹妹，都堅持要保住個BB，後來佢生咗妹妹後，第二日就離世。我記得媽媽走時，我才得八歲。佢喺醫院後期時好辛苦，甩頭髮，又會嘔，我遺憾冇同媽媽講bye bye。至於爸爸亦係好難過，成日以淚洗臉，好多媽媽嘅事，都係後來從爸爸口中得知。」
媽媽的離開，陳法蓉以為自己早已放下，但原來傷痛一直積存在內心的深處；之後，因為朋友移民、男友分手、寵物過世，又或好友羅慧娟病逝，情緒便會加倍受到衝擊，「我好怕面對，仲想盡辦法去逃避。」幸好有宗教信仰，她最終才得以釋懷！
陳法蓉憶述父母一段淒美的愛情故事，當年媽媽為愛跟着爸爸由台灣私奔到香港，令女兒非常感動。
與媽媽相處僅得八年的陳法蓉，印象最深刻的是，媽媽懷着妹妹的時候患上重病，需要不時出入醫院。
欲知更多內容，請看 【東周刊】
