「高妹」姣出面心計多 泊錯碼頭繼續搏殺真淒涼
「高妹」近年走勢ok，但結婚呢個決定，對佢嚟講絕對係唔明智嘅決定，不過如果唔係畀「二世祖」搞大個肚，佢仲肯定有排玩。「高妹」個底一向好花，無嘢嘅，恃後生又型得嚟靚，令到「王子」生滋貓入眼，拍咗幾年拖都唔敢畀人知，無非係嫌「王子」搵唔到食，咁早公開關係自己無好處。
後嚟「王子」被力捧，佢又搵人放料話兩個人一齊，從此人氣升搵多咗錢，但因為一次意外「高妹」幾乎無得再做呢行，搞到佢有啲嬲男友，後嚟又畀佢知道「王子」原來對前度仲係有照顧，錢已經搵得唔多，仲要扮有情有義，佢終於出招單方面公開同「王子」分手，即時人氣再高企仲可以有機會投身大銀幕，真係連佢自己都估唔到唔到。
呢邊分手嗰邊「高妹」已經搵到個好碼頭，三扒兩撥仲上埋岸添，點知老公屋企有錢唔代表會過俾阿仔揸旗，迫於無奈唯有再出嚟密密做，仲要比以前搏殺，有錢搵唔計較做乜。好似最近去個大型活動，一早預告自己有重要消息公佈，慌死無人知咁，仲要係咁叫大家記得報導，嗰種搶風頭嘅低招，依家仲有好多人話佢老土。
見到有機會俾job自己嘅人，係咁埋身sell自己有幾旺有幾唔計較，全進攻型但求幫到自己，完全唔計較點樣畀人話，不過嫁完仲要咁搏，就真係有苦自己知囉！
【相關文章】：
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
