蔡潔、陳星妤及關楚耀等今日到尖沙咀出席《一舞傾城》宣傳，陳星妤及顏仟汶最性感，以低胸裝現身。提到蔡潔昨晚播出一集，與楊明有一分鐘床上戲，她坦言想因此挽救收視，又謂拍時大家也想一次過完成，事後亦沒有看重放，但看過劇集後也覺得演出恰如其分。
【點擊睇《一舞傾城》宣傳活動相】：
蔡潔指看到有留言指該場戲值30點，當時大家都想一次過完成，問到莊思明在拍攝時是否有監場？蔡潔表示沒有：「我哋私下好friend，佢好放心同埋好信任大家。（莊思明話佢在場？）係咩？我唔知，佢可能唔想畀壓力我哋。」而她亦指這場戲已是她在劇中最激的場面。對於收視跌，蔡潔認為保持到，也有不少觀眾指第二星期的劇情開始緊張，又指首周播出後，有觀眾稱不適應這類劇種，亦有家長陪同小朋友觀看時覺得場面有點激，但她亦相信該劇之後也會有好成績。另外，陳星妤則透露稍後的劇情會有被掌摑，以及她與關楚耀亦會有床戲。
莊思敏和莊思明亦有出席，近日莊思敏將名字中的「鍶」改回現時的「思」，她指「鍶」用了一年多，不過自爸爸過身後便有想法改回來：「三姊妹都係用「思」，跟番屋企畀嘅名好啲，統一啲。」
對於男友楊明與蔡潔一段長達一分鐘的激吻床戲，莊思明笑指昨日與男友在外吃飯，所以沒有看，她又指拍時自己也在場，問她是否監場？她說：「唔係，因為下一場係輪到我。（佢話拍前冇問你！）唔使問，冇特別，我都有劇本。蔡潔仲好搞笑問我使唔使睇play back。」莊思明又指男友一向不算多這類的戲：「拍太多又濫，專拍呢啲不如拍AV，香港第一個男優啦，（你唔介意？）介意呀，佢休咗我先，不過以佢性格唔會，太細膽。」
【其他文章】：
鄭國江演唱會丨區瑞強「冇帽look」激罕曝光！ 譚詠麟鬼馬揭開「民歌王子」神秘面紗
曾志偉帶3小花現身內地網紅直播間 林凱恩證「解凍」獲力捧 呢位港姐出場冇人識
47歲滕麗名驚變大媽？登台黑色蕾絲造型遭網民質疑：確定係佢？
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZc
