自稱「香港抽水王」的林作抽水抽出禍，日前因抽鑽石山荷里活廣場兇案遭網民圍剿，其任職的保險公司更公開炒林作魷魚。林作昔日多次抽水，以100萬挑機陳凱琳姊弟與父母驗DNA、錢國偉病逝抽水賣危疾保險，每次都踩界被網民怒插。林作今日在其半山寓所開記招，回應被網民攻擊到失業事件，竟自稱「抽水王」只是人設，私下其實好有愛心、有同理心。
【相關閱讀】：荷里活廣場兇案｜林作抽水被炒魷召開記者會 稱如冒犯死者家屬會致歉
【點擊睇林作開記招】：
林作在記者會中，多次表示言論自由應該受到保障，又聲稱如果其言論損害到死者家屬「絕對會道歉」。林作指：「唔去用到RIP呢三個字唔代表我冇同理心，調轉成日出post講好有同理心嘅人，往往只係刷存在感。」林作稱自己每日都就不同事件抽水，反指網民「選擇性失明」：「重點係所有呢啲說話冒犯到人，唔代表我真實價值觀係咁，呢件事我覺得最不忿係，事際上好多人都知道我個人真實係點，網上呈現嘅人設係喺網上，同藝人喺各人面對係其中一面一樣，只係一個人設，唔能夠代表係呢個人嘅全部。好多人都清楚呢樣嘢，但喺呢件事上面選擇向卑鄙無恥網民低頭。」
林作又提到「抽水」的定義：「在於無傷大雅，在於無攻擊性，主題可以關於任何嘢，但目標唔可以攻擊。」林作直指網民反應過激，認為自己並不應該道歉。林作說：「我唔明白，我身邊嘅人邊個會話我係冇同理心，大家將我嘅言論實作我嘅全部，見唔到我私下係一個非常有同理心、有愛心、處處為人着想嘅一個人，我唔係點解大家可以以偏概全，就住一個事件就覺得我係衰人。」
林作續指：「我大方承認，我哋係網上社交媒體嘅形象，係我哋扮演出嚟，扮衰仔、扮抽水王，私下嘅我哋、朋友層面嘅我哋，會傷感會傷心，係有住正常人類情緒嘅一個人，我對於今次嘅指控感到莫名其妙。」林作又表示：「好多人用藝名、假account去做呢樣嘢，但小弟就冇，費事。至於點解要製造咁嘅形象，你必須向『林作社交媒體宣傳大法』學習。」又指透過他昨晚至今逾30個客戶訊息帖文，可以拼湊到他日常面貌。
【相關閱讀】：
林作被炒丨舊愛麥明詩炒魷PO畀like玩彈弓手 林作堅持秉持保障前度：唔會有特別諗法！
荷里活廣場兇案丨林作媽開腔回應愛子被炒：講錯少少嘢啫 收租夠做一世二世祖
荷里活廣場兇案｜林作抽水遭炒魷一文睇清網民精警留言 狂寸正職係「兒子」
荷里活廣場兇案｜一文睇清林作抽水被炒時間線！連發多Post自認多支持者揚言堅拒道歉
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
