孫慧雪今年1月宣佈再度有喜，陀B已經32周的她，最近挺着孕肚為7月生日的大仔Riley提早舉行生日會。今日孫慧雪昨日在社交網分享生日會短片，見到場面極盛大，還邀得不少囝囝的好友，數十個小朋友一齊玩，她還留言笑說：「玩謝父母系列之水哥6歲Rainbow friends生日party。」
【相關閱讀】：孫慧雪孕期剩兩個月感冒拖到變氣管炎耳炎兼鼻竇炎 一邊耳仔仲聽唔到嘢
【點擊睇孫慧雪6歲囝囝生日會】：
孫慧雪在IG貼片兼撰寫長文：「話說最近啲人問我做乜唔見咗，係咪去咗生，其實只係專心搞呢個生日趴地就真。因為小BB出世會搭咗水哥生日，唔想水哥覺得被受冷落，媽媽就提前幫佢安排個佢夢想中嘅趴地！」孫慧雪還表示應Riley要求舉行《Rainbow Friends》主題生日會：「呢件事真係人都癲，好多人問我呢幾隻係咩嚟，好似話小朋友界好hit㗎喎！又要幫佢搵齊啲公仔畀佢啲朋友玩，我哋仲要全家著晒一set扮怪獸，一向注重形象嘅爸爸說服咗自己一個月去著呢件衫🤣因為係個仔委派佢做呢個角色，仔紅色嗰件係Red，即係個Boss，佢直頭係啦！」
短片見到孫慧雪在奢華場地為囝囝提早舉行生日會，一家三口還着上《Rainbow Friends》的T恤，正在陀B的孫慧雪着上紫色Tee，反而有幾分似「滑嘟嘟」。生日現場有不少美食外，還設有大型吹氣滑梯，有魔術師表演、有人扭氣球、畫人體彩繪，數十名小朋友都玩得相當盡興。Riley在切蛋糕前，還用咪呼喊：「全部人過嚟。」所有小朋友蜂擁而至一齊切蛋糕，勁有霸氣。
現年40歲的孫慧雪為生B歷盡艱辛，在2016年與圈外老公結婚後，翌年7月誕下大仔Riley，不過她曾透露在婚前發現患有子宮肌瘤，當時醫生更直指她「冇得生」，後來經過治療才能成功懷孕。今年1月，孫慧雪宣佈陀第二胎，本來就有婦科病的她不幸出現出血情況，有段時間更需要每晚到醫院打安胎針。幸好現在第二胎陀得相當不錯，4月底懷盈26周時，她更自爆腰圍已經40吋，彎腰「見唔到腳趾」，而且肚內胎兒亦相當活潑。
【其他閱讀】：
黎諾懿6歲大仔染病毒發高燒入院 病徵似感冒提醒家長要積極求醫
Tim@Dear Jane摸妻翹臀褲檔離奇拱起展雄風？ 老婆楊洛婷大方15字回應
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
