《星夢傳奇》出身的姚焯菲（Chantel）在今年年初暫別樂壇到紐西蘭升學，雖然姚焯菲參加比賽時只有14歲，不過她的清純造型深受fans們喜愛，與戰友炎明熹橫掃新人獎，名利在望卻毅然離港升學，姚焯菲坦承曾極反對父母的決定：「一開始是有擔心，好地地無需要走，最初仲反對去紐西蘭，會唔開心、會嘈交！」
【相關閱讀】：獨家丨姚焯菲留學三個月變圓碌碌之謎 大個女想單拖出走巴黎貪唔使Plan
【點擊睇姚焯菲新生活】：
早前姚焯菲趁休假返港推出第四首個人作品《小出走》，離港前接受商業山一台《星光背後》專訪，出身富裕家庭，有一妹妹的姚焯菲，原來小時候已經幻想當演員，但母親自小管教極嚴，一直反對她發明星夢，反而爸爸較任由女兒發展，允許女兒參加《星夢》，希望為女兒增加人生經驗，但想不到她竟然殺入三甲，出道後與冠軍炎明熹橫掃新人獎，回想當時參加比賽的時候，姚焯菲說：「我冇學過唱歌，比賽零經驗，不過覺得Gigi（炎明熹）一定係冠軍。面試嗰陣炎明熹坐喺我距離，佢好得意，總是唔出聲，好安靜咁坐咗喺度，點知一開口唱歌，就好犀利全場都震驚，冇諗到一個咁靜嘅女仔，唱歌係咁好聽，已經覺得佢贏硬！」
本來事業發展好好，不過今年年初宣佈離港升學，姚焯菲坦承最初曾極反對父母的決定，她說：「一開始是有擔心，又唔開心，仲試過嘈交。之前都唔認識紐西蘭，以為只有一片草地及好多羊，羊可能多過人，我唔鍾意啲咁悶嘅地方！」雖然有不少藝人歌手試過小休後重返娛圈，人氣都不如從前，但她反而不擔心：「而家時代已經變咗，喺嗰邊可以開live就開live，出po就出po，每兩個月又返來一次，比以前啲私技係發達咗。初初係有啲擔心，好地地唔需要走，但係而家喺嗰邊可以專心讀書，放假返嚟又專心做歌，我真心覺得自己成長同獨立咗，呢個係最大得著！
」
姚焯菲指與公司及父母已有五年計劃，在紐西蘭讀書期間，長假期也會回港出歌，問到父母有否嚴禁拍拖？？16歲的姚焯菲一臉認真說：「我讀女校又住宿舍，朋友全部係女仔，爹哋媽咪都知我大個女，冇乜提點我，知我有分寸。」再問理想男友條件，姚焯菲說：「專一最重要，其次係有禮貌及性格謙虛，我最唔鍾意嗰啲自大又自以是，以為有錢就不斷炫耀嘅男仔，就算佢幾好樣都唔鍾意！」至於有冇恨拖拍，她說：「其實冇所謂，但係而家嘅我好想自己一個人，真係唔好搞我！我想專心做我要做嘅事，好想專心讀書，亦好想專心工作，而家就算有一個男仔來，我都會說拜拜！No！」
【其他文章】：
何鴻燊家族激罕三房同場！一字排開晒氣勢合照 何超雲首拖未婚夫公開現身
徐淑敏野餐一細節露出慳家本性 陳自瑤變裝唔跟Dress Code變異類？
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
