網絡熱傳一段婆婆在快餐店爭位，大戰黑衣躁漢的影片，躁漢嬲爆對阿婆狂吼，氣勢驚人，但婆婆恃老賣老淡定回應：「我係阿婆，你要尊重吓！」最後更出終極殺着。
阿婆爭位決戰躁漢 臨尾出呢招終極殺着｜足本字幕版 點擊即睇↓↓↓↓
影片全長約1分鐘30秒，地點在本港一間連鎖快餐店內，影片開頭見到一名婆婆與一名黑衣中年漢相對而座，兩人發生激烈爭吵，而一名店員正居中調停。
中年漢嬲爆狂鬧阿婆，從對話中估計，他不滿阿婆「揀枱」，由一張枱跟他到另一張枱，期間更伸手掹走他插在插座的的充電線。
中年漢怒斥阿婆：你夾硬坐過嚟！
中年漢站起身向婆婆大罵：「我好躁呀，依家！」婆婆氣定神閒坐著拆招：「你仲乜掂我。」
中年漢聞言更加火爆：「我掂你，你掹我電話！你掹我電話！吓！」意指婆婆坐下「搭枱」，竟出手掹走中年漢本來插在叉電位的電線。
中年漢越說越勞氣：「我係到等，你要夾硬坐過嚟。」「我走過嚟，佢又走過嚟。」「你呢啲阿婆真係，你呢啲阿婆真係九唔搭八。」
婆婆：我點坐呀 你幫我清潔
居中調停的店員先安撫中年漢，並問阿婆：「你係咪本身坐呢一邊嘅。」婆婆即向店員表示，因為原先坐的枱未清潔好，所以轉坐中年漢的枱。
婆婆向店員說：「佢(指中年漢)整跌晒啲嘢係到......我點坐呀......你(指店員)幫我清潔呀。」
店員即示替婆婆清潔另一張枱，並請婆婆轉到另一張枱坐。
婆婆臨尾出招 中年漢激到彈起
當正在清潔期間，中年漢仍忿忿不平喃喃自語：「你坐嗰邊就坐嗰邊啦，你走過嚟做乜嘢呀。」「仲乜跌晒啲嘢呀。」
這時站在一邊的婆婆亦反唇相譏：「你本身識講中文，你又唔講。」「中文係我第六語言，你又唔講。」似不滿中年漢無講清楚便大發脾氣。
「我係阿婆 你要尊重吓」
婆婆言猶未畢突再出一招，激到本來坐著的中年漢即時彈起衝前，不過婆婆全無懼色斬釘截鐵說：「我係阿婆......你要尊重吓。」
網民熱議事件，不少人認為中年漢甚為怒氣，反觀婆婆則氣定神閒，中年漢激動可謂非常傷身，「真係輸晒，我係個男人都費事勞氣，去第二間食。」
網民：無論如何都要尊重長輩
部分網民認為中年漢對長者不應如此無禮，「無論如何，我哋都要尊重長輩，老吾老以及人之老，係傳統美德。」「就算自己道理啱晒，見到長者都要讓一分。」
部分網民則指婆婆不應恃老賣老，「惡人先告狀」，就算長者亦應留意自己態度及行，避免惹人討厭。
一些網民則認為兩邊都有問題，「兩個都咁衰，有啲老人家持老賣老，又真係討厭，個男人為個位又唔洗惡成咁，冇啲修養。」
同場加映：台警施暴扯甩少女上衣 衣衫不整露半球 長腿反擊畫面曝光↓↓↓↓
網民熱議一段台灣警方暴力對待少女的影片，片中少女被台灣的警員大力扯甩上衣，內衣外露，衣衫不整春光乍曳，少女其後乘警員大意，竟巧妙以長腿反擊。
台警施暴扯甩少女上衣 春光乍曳長腿反擊｜全程逐格睇↓↓↓↓
