洪永城與胡美貽（ Nicole）及布樂文( JB）主持的旅遊節目《阿媽唔信我去亞馬遜》於昨晚首播，當時洪永城拍這節目時，需出走兩星期，笑言為養家要拋妻棄女並指會寫信給女兒，為了令女兒感受爹哋的辛苦，洪永城竟然迫女兒捱夜睇電視，「Sir Face」認真慘慘豬！
【相關閱讀】：洪永城歲半女Sir Face被自己美貌吸引？ 停步欣賞摸肚仔沉思BB話超可愛
【點擊睇「Sir Face」被爸爸洪永城迫睇電視】：
洪永城在IG貼上迫女兒陪睇電視的短片並說：「叫咗個女唔好捱夜等睇我嘅節目㗎啦，又唔聽我話，不過算啦一次半次，可以父女一齊睇我嘅旅遊節目，俾bucket Iist 去亞馬遜，更加值回票價喇。最後衰女終於認得我啦！」片中見到愛犬Molly正在休中，「Sir Face」一臉呆滯坐在爹哋的大髀上望着電視，洪永城不時輕拍女兒說：「頂住、頂住唔好瞓，唔好瞓住，睇一陣，爸爸、爸爸！」結果「Sir Face」終於忍不住說：「爸爸！」才令洪永城「收手」！好友王曉君忍不住留言：「你拍咗佢四十吓度，佢終於嗌爸爸！」亦有網民說：「Sir face好慘、唔俾訓」、「似係你迫佢睇喎」！
胡美貽挑戰攀爬高達40 米大樹
今晚（13 日）播出的一集，被譽為節目「勇氣擔當」的「港女野人」胡美貽為了成為「亞馬遜女泰山」，不惜挑戰攀爬高達40 米（即約14 層樓）的大樹，由於全程只能依靠自身肌肉力量向上爬，胡美貽全程邊爬邊嗌邊Keep住撞樹；花了足足1５分鐘，胡美貽終於 登頂，還應教練要求躺在網床上拍片。胡美貽事後受訪時透露今次是第一次爬樹， 不過由於本身有玩開極限運動， 故對自身表現有一定要求：「所以我想挑戰10分鐘之內去到樹頂，爬樹感覺同其他極限運動好唔同，因為係自己親手爬上去。雖然損手爛腳，但係上面個風景完全唔同，好享受喺上面坐住吊床睇風景。」
「呃 like三式」好驚嚇
而明晚（14 日）一集 ，爬開有條路的胡美貽將挑戰二度爬樹，事緣三人探討坐擁過百萬fans的網紅土著生活日常，胡美貽被委派學「呃 like三式」：爬樹摘生果、豪氣拔木薯及生食肥美椰子蟲，可惜連環蝦碌，就算網紅出手相助，亦只有椰子蟲叫勉強過關，但咬完第一口後，即急忙將蟲蟲吐出， 然後不停尖叫兼打冷震，事後胡美貽猶有餘悸謂：「最驚係咬咗一半攞出嚟，條蟲仲喺度郁緊。」
洪永城的反應更加激烈，咬完第一口即嘔， 嘔完之後更眼淚口水鼻涕一齊嚟，事後大呼：「陣味好腥，真係頂唔順！」反而布樂文則完全沒問題，更大讚「味道不錯」。 除了 挑戰食蟲，三位主持還挑戰垂釣及品嚐「 冇乜肉食」的食 人魚，洪永城和胡美貽指食落有 「鹹魚味」，布樂文則指食人魚湯與西洋菜湯味道差不多。
【其他閱讀】：
甘比湊三子女行六層樓梯探深水埗劏房戶 囝囝激罕現身14歲大女秀樺親入福袋
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
