由陳薈蓮（發嫂）擔任出品人之一的新片《別叫我"賭神"》，今日（14日）舉行宣傳活動，擔演的周潤發（發哥）、袁詠儀（靚靚）及柯煒林（Will）出席。扮演髮型師的發哥，即場為戲中老婆袁詠儀剪髮外，更為現場三位小朋友剪髮，預祝父親節。
【相關閱讀】：別叫我賭神丨周潤發被狂摑62巴落order叫拍檔咪留手 黃德斌錯手令發哥血灑片場！
【點擊睇《別叫我"賭神"》宣傳】：
發哥笑言打動到自己接拍該片，皆因很久沒有拍攝這類題材，反而70、80年代演出電視多拍文藝片，拍攝打戲也是演出《英雄本色》要拎槍，自從《阿郎的故事》、《秋天的童話》後無拍過文藝片，加上今次有袁詠儀演出，即刻𦧲飯應。他說：「靚靚幾廿年都咁靚，係晶晶。（泰文解靚），佢係袁晶晶。」在旁的袁詠儀即回應說：「我嘔凸呀！」袁詠儀續說今次是第一次跟發哥合作，當得知消息時，她正在飛機上整理行李，感覺時間停頓，是否發夢中，行李亦沒有理會，雖然老公張智霖在旁邊，也沒有告知此消息，因為未知是否事實不敢講出來。
熱愛跑步的發哥，談到拍攝期間不時相約劇組跑步，他笑言在澳門拍攝時帶他們吃好東西，又笑指袁詠儀只跟他跑過一次，對方多數跑商場及跑網絡世界shopping。袁詠儀則笑謂最期待在那裡集合。戲中扮演發哥及袁詠儀的兒子柯煒林，表示能夠跟發哥合作好興奮又期待，由於發哥知道他沒有駕車，會駕車載埋他去一齊跑步，之後又帶他吃好東西，感覺好窩心，更載足他一年。
談到首次跟發哥合作，靚靚坦言好似圓夢一樣，終於追到這位偶像。最搞笑發哥自言當年袁詠儀參選港姐時，自己有份擔任評判，但沒有投對方一票，所以不敢見袁詠儀，直至好彩為該片演出遇到對方，但後來改口又謂袁詠儀這般靚，怎能不投對方一票。提到今次扮演髮型師角色，發哥表示拍攝時有髮型師在場，當拍攝Close up鏡頭就由對方上陣，更自嘲會手騰腳震，不過開拍前有用假髮學過一排剪髮。他說：「剛才幫靚靚剪髮，我都唔敢剪落去，驚剪到隻手。我唔係驚佢啲頭髮，頭髮會生返嘅！手指剪咗生唔到。」問到若然將來再跟袁詠儀合作，想拍攝那類戲種？發哥說：「我哋諗住拍套喜劇叫《兩人瘋癲》，男、女主角都係我哋，同佢死過！」
【其他文章】：
264磅韓紅青澀舊照身形纖瘦掀熱議 網民驚訝撞樣劉濤揭一真相
郭晉安屢被質疑醫美過度38年外貌變化逐格睇 昔日靚仔小生顏值崩壞？
應采兒細仔長髮示人惹爭議證Hoho心身健全 得知大仔想着裙反應曝光
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
