TVB劇集《靈戲逼人》將於下周一播映，今日劇中演員龔嘉欣、張振朗、阮浩棕、江欣燕及謝雪心等到觀塘為新劇宣傳。活動上，眾人要擺出大戲做手玩遊戲，輸了要食wasabi餅乾作懲罰，最後張振朗被選中，龔嘉欣見狀即在餅乾上再唧更多wasabi，搞到食完的張振朗雙眼通紅、彎身兼臉露極痛苦表情，之後要飲奶舒緩。
【點擊睇《靈戲逼人》宣傳相】：
事後龔嘉欣表現得極內疚，張振朗不斷指「沒事」來安慰她，又笑指本來打算很有型地吃下，結果沒想到食完會有這樣的反應，自己剛才也有點嚇親：「最緊要大家開心，有啲嗱胃，平時食壽司有嚿飯中和感覺會好啲。」他謂與龔嘉欣在2019年拍《堅離地愛堅離地》時認識，所以也知大家很玩得。
今次龔嘉欣在劇中有大戲造型，她表示因要紥住腹部而未能進食，講話亦要花氣力：「拍外景辛苦，又焗又熱，因為怕個妝溶，所以成晚冇講過嘢，坐定喺度唔敢郁。」但她認為最辛苦的是有場與張振朗一起吊威吔的戲，張振朗指除了要扮在水中旋轉外，亦要倒吊，而該場戲亦有與龔嘉欣咀嘴戲份，兩人更咀足5、6小時，不過就大讚出來的效果很浪漫。提到張振朗今次為劇集獻唱插曲，龔嘉欣指事前大家也為他爭取了很多次唱主題曲，但最後失敗，張振朗則笑說：「驚太多人（耳朶）懷孕！」
阮浩棕今次在劇中唱粵劇，故拍攝前要接受唱腔及做手等訓練，由於有些戲份需要以大佬倌造型上陣，故覺得有點辛苦：「要化大戲妝，化妝都花兩個鐘，仲要戴好重嘅盔頭同要吊眉，有少少反胃。」
阮浩棕今次跟劉穎鏇有感情戲，而預告片中更見兩人有嘴咀鏡頭，問到拍時會否覺得尷尬，他就表示沒有，因為已是第二次拍咀：「拍《隱門》係第一次拍接吻戲，今次係第二次，第一次就比較緊張，因為唔知係點，但拍完就發現原來自己諗多咗，所以今次再拍就完全唔尷尬。」
【其他文章】：
龔嘉欣比堅尼上陣罕晒深長事業線 一個月水桶變黃蜂腰呢個部位仲吸睛
龔嘉欣同好姊妹孖住「送外賣」 慘被三子之母陳凱琳拖累變水桶腰
TVB節目巡禮2023丨張振朗兩劇兩綜藝揸手鋪路做視帝？ 感謝公司給予機會冇壓力
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg合合
