民主派47人參與「35+」初選，涉嫌計劃立法會過半無差別否決財案被控，16人否認串謀顛覆國家政權罪。被告彭卓棋今午於西九龍法院交代《香港國安法》通過後發現「大家都根本唔理解⋯⋯咩叫做合法、咩叫唔合法」，遂撕毀單張中的政綱再派發，顯示放棄主張。法官質疑宣傳照中彭卓棋握拳，面容似有對抗之意，又於席上撕毀紙張揮舞，問到何不以此明志，彭卓棋解釋「嗰刻我以為已經足夠」。
彭卓棋交代《香港國安法》通過後，同夜與團隊開會討論，研究會否誤墮法網，發現「大家都根本唔理解⋯⋯ 我哋都根本冇呢個法律水平，即係咩叫做合法，咩叫唔合法、最合法」，終決定銷毀傳單中所有政綱，「嗰6點單張都係撕毀咗喇」，並致電民主動力移除所有政綱，澄清自己並非銷毀證據，而是放棄主張。法官陳仲衡反問何不於facebook 上公告，彭卓棋答「我又冇諗過要用喎，因為我認為我派一張爛溶溶嘅單張，同埋話咗畀民主動力聽我哋唔做任何犯法嘅倡議」足以收效，惟補充「但係我承認，喺單張嗰度重有對抗極權呢個字眼，但已經係空泛嘅，我哋認為已經足夠㗎喇」。
大律師盧敏儀展示instagram 帖文，內容顯示彭卓棋等三人一手手持單張，一手握拳，面容嚴肅，彭卓棋解釋相中可見單張破爛，提到《香港國安法》通過後曾於街站派發撕去政綱的爛單張。李官反駁單張上彭卓棋容貌完好無缺，是否想知會公眾繼續參選？彭卓棋指用意「想人知道我喺無政綱下參選」，李官再問可預期他人明瞭其意，有否告知公眾已放棄政綱？彭卓棋答「我冇口講，但係好多人問點解你張嘢爛咗⋯⋯我話，我哋無政綱㗎」，後再指曾用「放棄政綱」字眼。
法官陳慶偉問到相中三人何以握拳，法官陳仲衡又指張開手掌看來更像放棄，彭卓棋答「拎住拳頭好似勁啲囉」。法官陳慶偉再指觀乎其握拳及面容，似有對抗之意，是否不喜歡《香港國安法》？彭卓棋再答「我承認係有一種鬥嘅心態喺度。」法官陳慶偉又指帖文有61個讚好，問到眾人為何讚好？法官陳仲衡提醒指不認為彭卓棋能代為作答，法官陳慶偉終作罷。法官陳慶偉轉而突然在席上撕爛紙張，一分為二，左右手高舉揮動，法官陳仲衡在旁一時不知就裡，探頭看個究竟。法官陳慶偉直言「事實上你可以這樣做」，何不以此發文明志？彭卓棋答「我真係冇諗過，嗰刻我無去做⋯⋯最理想一定係喺 facebook 度 announce（公佈）啦，但係嗰刻我以為已經足夠。」法官李運騰提問當時是否意欲模棱兩可，彭卓棋否認。
法官陳仲衡查問下，彭卓棋再解釋單張上標題「背水」指「背水一戰，其實屆屆都背水一戰⋯⋯想營造一個快啲投啦、好緊急喇」；而「重光」則指希望香港可以重拾昔日光輝，「可以好似亞洲四小龍噉做返第一」。盧敏儀再展示題為「請柬」的新單張，彭卓棋指省去了政綱，用以代替舊有爛單張。法官陳慶偉指出當中仍有字眼「對抗極權」，矛頭直指中央，彭卓棋解釋「因為呢個係一個選舉用語來嘅，當時好流行，我冇諗過呢句都有機會犯法」，認為其無實際意義，無針對對象。
法庭記者：陳子豪
--
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
