鄭裕玲（Do姐）日前宣佈進軍YouTuber行列，開設自家頻道主持節目《The Do Show》，頭炮的嘉賓正是多年來的最佳拍檔周潤發，節目今日正式上架，鄭裕玲一見拍擋，忍不住說：「好慘呀，我請咗你好耐，去我電台節目做訪問，又囈又篩都唔騷我！」結果周潤發出口術狂冧，搞到鄭裕玲大發嬌嗔，更一度忘記要問甚麼！
【相關閱讀】：鄭裕玲周潤發激罕合體肉緊咀嘴掀集體回憶 少女心大爆發宣布進軍YouTube
【點擊睇鄭裕玲周潤發過往合作】：
今次是2011年《讓子彈飛》在北角的記者招待會後再次碰面，鄭裕玲說：「我好想話，你幾時可以再同我傾偈呢？疫情期間，我都有跑步，但係我喺gym度跑，咁冇得跑好慘喇，咁我諗發哥日日都跑步，咁我走去join佢個跑步團，或者我囈吓佢，佢肯嚟接受我嘅訪問。」鄭裕玲隨即向知情人士了解並說：「佢話唔係架，唔係你一話跑，就可以入到發哥呢個中心地帶，你要喺外面慢慢跑入嚟。」
周潤發當然否認此事並說：「其實我哋好早喺天光道朝朝跑，《網中人》嗰時，你一套白色，我一套白色，跑完我哋就去靠背壟道嗰度飲豆漿，我哋跑步都有啲淵源，喺7幾年開始。」鄭裕玲又問周潤發即使跑都步都只不過是一個上午，其餘時間會做些甚麼？周潤發說：「我而家好多嘢搞，多數係搞啲玻璃鏡頭，買啲舊嘅鏡頭返去影相，所以呢個階段，冇乜人請我拍戲，我有得跑步同影相係好開心！」周潤發更自覺一個幸運的人，很多人為自己寫劇本，他還說：「而家我想做啲特別嘅角色，唔同想以前太重覆，雖然我哋年紀大咗，但係都有唔同嘅表演方式。」
周潤發呻舊拍檔「移情別戀」
鄭裕玲與周潤發從80年代的電視劇開始合作，她亦問到當日從電視走進電影的心情，周潤發說：「我由電視去到電影，之後再去荷里活，再返國內拍，其實係一個心態，隨波逐流，係好隨心，我喺94年同金公約滿，覺得有時間要休息下，嗰陣我見你比阿媽仲要多，呢個女子佢不得了，我好鍾意個女朋友！」他更搞笑地說：「不過呢個女朋友好快移情別戀，鍾意嗰子華神，後尾又鍾意農夫，而家又鍾意小鮮肉！」
接着鄭裕玲又爆周潤發未埋位前，很愛與導演研究，於是問他為何不去做導演？周潤發說：「導演責任好重喎，我得閒攬攬錫錫咪算，我唔鍾意做啲咁有規律性嘅嘢，係辛苦架。」鄭裕玲又爆拍《網中人》的一個秘密，她笑說：「你冇同我講，原來嗰陣佢做程緯，喺個銀包擺咗一張我哋嘅合照，呢個係乜嘢方法？」周潤發隨即在她耳邊細語：「我日日都掛住你，我掛你多個掛住我老婆！即係喺戲入面呀！我記得有一場戲喺銅鑼灣法院，我判咗入獄，我喺架車喊到唔識得收聲，個女朋友為我仆心仆命，我真係唔捨得你！」結果搞到鄭裕玲大發嬌嗔，更一度忘記要問甚麼：「你真係氹死人，想鬧你都唔得！好彩我寫低如果唔係畀你氹到。」
【其他閱讀】：
鄭裕玲確認離巢TVB 效力44年早已想「唔續約」：3年疫情有改變
鄭裕玲傳離巢｜與周潤發拍檔躍升一線花旦 TVB收視福將《男親女愛》破紀錄
鄭裕玲《口水》完成儲齊四大天王壯舉 網民敲碗：仲爭一個世界級巨星
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
