一輛往來坑口至觀塘的98B線九巴，6月28日上班繁忙時間懷疑在將軍澳醫院旁一彎位死火，獲8名壯漢從車尾合力推前，化解一場「塞死」危機。
現場為坑口（北）（將軍澳醫院）巴士站對出，98B巴士疑甫駛出站頭不久便告死火，後方塞有一輛疑不夠位駛出的另一輛九巴。
8壯漢合力推巴士化解「塞死」危機逐格睇 ＋ 網民激讚回應↓↓↓↓
樓主以「將軍澳多美，已去信九巴讚揚片中車長們。同埋萬分感激片中人士（左邊男士專程落車幫手）」為題，上載一段長約26秒疑在巴士上層拍攝的短片。
片段開始時，已見5名大漢在車尾幫忙將巴士推前，及後再多3男急步上前幫手，左旁穿恤衫西褲揹背包的男子便是樓主所指專程下車的大好人。
8人步伐一致齊心發力，最終將巴士推過轉彎位。回應的網民大讚這樁「好人好事」，指「守望相助」、「叻豬豬s」、「好抵讚」、「齊心，超讚」、「齊心就事成」、「好熱心」。另有人好奇巴士「真係推得郁架」，和笑指「我聽到歡樂滿東華嘅音樂」、「善款嘅數字已經去到10萬」。
九巴回覆事發於6月28日早上
有網民好眼力，問「點解個個著一樣衫」，回應的網友指「因為大部分係九巴員工」、「除咗最左邊那個喺路人，其他都係九巴員工」。因此，短片尾段，見右方一名員工隨即跑上後方的九巴，繼續駛開疏導。其他網民回應請瀏覽上圖↑↑↑↑。
九巴回覆《星島頭條》查詢時表示，6月28日早上8時許，一輛路線98B的巴士在坑口（北）（將軍澳醫院）總站開出後出現機件故障，為將對其他巴士和車輛的影響減至最低，在場九巴職員合力移開巴士，以讓出道路。涉事巴士稍後已被送回車廠檢查。
帖文來源：將軍澳主場、屯門友
相關新聞：
—————
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
