現時駐守水警北分區近岸巡邏隊的女警長王天惠（Yuri），2005年加入警隊，2021年加入警察談判組，其中一個原因是爸爸突然急病離世，「我當時經歷情緒低落潮，我離唔開失去爸爸嘅傷痛；嗰一刻我發現，原來有一啲困難，係會令人企唔到起身，有啲人就係因為企唔到起身而有抑鬱症，就算你叫佢諗開啲，佢哋都係做唔到。」
如果一些說話有力量 可以挽救一個生命 都值得努力
另一個原因，是其一位好朋友的丈夫交通意外過身，怎料該名朋友的女兒因為接受不了，在父親發生交通意外的地方自殺，其好友同一時間失去兩名親人。兩件事情的發生，令她感受情緒低潮，而自殺不只影響一個人，而是一個家庭，或者是下一代，「如果一些說話有力量，是可以挽救一個生命、一個家庭或者他的下一代，都值得努力。」
加入警察談判隊兩年間，Yuri先後處理30宗個案，其中一宗於去年發生，是一名年輕媽媽，她本身任職老師，事發當日已曾在學校自殺，幸被同事勸阻，至晚間，她又萌輕生念頭，走上住所42樓天台一角，她身處位置非常「牙煙」，一不小心就會墮下，而當晚天氣十分寒冷，但對方只身穿一件薄睡衣。
當言語技巧未必有用時 人類一些共同語言可以勾起共鳴
Yuri指，該名女事主當時表明不希望與身穿制服的人士談話，首先到場的消防員便脫下制服與對方傾談，等待PNC人員到場，Yuri接手後，得知女事主患有十多年的抑鬱症，近日與丈夫出現感情問題，而小朋友又剛出生。「佢睇嚟有好多事情埋藏心底，內心嘅痛苦無法說出來，整個人沒有反應，相信係儲緊勇氣自殺，個身有時會轉向出面尋死，情況被界定為嚴重。」
面對生命隨時會流失，Yuri立即捉緊機會與她對談，因擔心對方感到寒冷，第一時間遞上毛氈，雖然她沒有反應，但也沒有抗拒，雙方亦拉近小小距離。女事主她當時看着手機的相簿，相信是她的女兒。
Yuri靈機一觸，由談小朋友說起，「因為我自己身為一名媽媽，明白子女對媽媽是多重要，當言語技巧未必有用時，人類一些共同語言就可以勾起媽媽彼此間的共鳴。」Yuri當時說：「如果我見到自己個小朋友笑，我咩都可以畀佢，連我條命都可以比埋佢；如果見到小朋友受傷，就好似心如刀割，其實媽媽最放唔低嘅，就係小朋友。」
女事主的眼神望住我嗰一刻 真係好Touching（感動）
就是這一段簡短的對話，觸動了女事主的心，對方轉身望向PNC人員那邊，再繼續看手機，但態度開始軟化，並喊着小朋友的名字。Yuri立即問她：「你係咪好想見到你個小朋友，我哋可以安排」正當女事主猶豫之際，Yuri立即主動向女事主伸開雙手，叫她畀個機會自己，畀個機會囡囡，「女事主的眼神望住我，嗰一刻真係好Touching（感動），然後我再伸手攬住對方。」女事主最終打消自殺的念頭，整個傾談過程大約兩至三個小時。
不過，並非每宗個案也有好的結果，Yuri去年曾處理一宗個案，該名男事主患有抑鬱症，需要服藥，雖然他有關心他的太太及兒子，但尋死的決心好大，Yuri與他傾談近3小時亦無進展，主管亦決定換人，最終該名男事主由二十幾樓爬下去至十幾樓，再爬到六樓，選擇結束自己生命。
並非每宗個案也有好的結果 告訴自己一定要企翻起身
Yuri坦言，「我第二日全日意志消沉，躲在一邊喊，不停發洩，諗吓我自己係咪有一啲位冇留意到，每當想起對方嘅表情、眼神，都令我感到無奈。」事件不停纏擾Yuri，她面見心理服務科嘅臨床心理學家時也出現一些情緒反應，Yuri告訴自己「一定要企翻起身，因為呢個係佢嘅選擇，我哋亦要尊重。我自己個心都要釋懷，先可以再向前行。」
談判唔係魔術 而係一個過程
張健斌表示，他自己亦曾處理一宗個案，男事主最終選擇結束自己生命，對方是一名中年男子，他行到屋邨的走廊盡頭的一個邊緣位置，消防人員根本無法在地面設置氣墊，正當以為談判有轉機，對方突然鬆開雙手跳落去，「嗰一刻對我嚟講好震撼！」
每當有事主最終選擇自殺，談判組成員首先會互相支援，警隊臨床心理學家亦會作出支援，「其實畫面會記得，出現情緒也好自然，幾時走出黎因人而異，過咗就唔會特別去諗，要學習拋低個包袱，因為談判唔係魔術，而係一個過程，只要做好自己，就唔好擔心其他事情。」
做談判就係要面對生與死 唔會有成功或失敗嘅概念
張健斌又指，「當然大家都唔希望生命係我哋面前消失，更加激發我哋作為談判員，想拯救生命嘅決心，希望做好啲，強化談判技巧，更加增進同事之間的合作精神，做好情緒管理，唔希望再有下一單發生。」
他總結「警察談判組有個座右銘，就係仁者不憂，出自論語，做談判就係要面對生與死，好大壓力，唔會有成功或失敗嘅概念，因為一旦有成功嘅談判，就有機會背負失敗，只要盡心盡力，用最大嘅能量去說服事主前往一個安全嘅位置，但最終生命選擇權係佢哋手中，談判員盡力做，唔會計算成功幾多單？失敗有幾多單？」
他又指，很多個案看起來是金錢或感情問題，但往往不是他們作出輕生原因，而是背後的生活壓力，導致內在情緒反應才選擇走上絶路，當事主的情緒百感交集，談判員會引導事主了解他們當時處於甚麼情緒，靠聆聽技巧，紓緩他們的壓力，令他們對生命有希望，才能建立自己的人生。
記者：鄭華坤
---
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
