《中年好聲音》的一眾歌手周吉佩、羅啟豪、龍婷等，以及擔任嘉賓的譚嘉儀和黃洛妍，今晚（29日）為節目《大笪地唱不停》錄影。周吉佩表示報社工作已離職，並自爆新動向，計劃做歌唱老師！
【相關閱讀】：周吉佩經歷3次低潮企窗邊「想就咁算」 大爆太太口不對心舉動
【點擊睇周吉佩為節目錄影】：
周吉佩自贏得《中年好聲音》冠軍即工作不斷，周吉佩坦言已從原有的公司離職，看來已決定成為全職歌手再追夢。另外，周吉佩亦已計劃好副業，他今日現身時透露會開設錄音室做歌唱老師，稱疫情前已有此計劃，亦早已儲了一班學生，更承認自從參加《中年好聲音》後，吸引更多學生上堂，還有不少《中年好聲音2》的參加者問及他的意見。周吉佩說：「有啲參加者喺網上inbox問我有乜途徑參加，仲有人send啲片嚟叫我畀意見。我有幾個學生表現幾好，我都叫佢哋參加。」周吉佩表示男歌手好友亦有份參加，但尚未出場，也不便透露太多，但對他有信心。
為家庭跑數自爆每月開支
談到開設錄音室，周吉佩表示很多事情也親力親為去做，加上地方小，只投資了五位數字。周吉佩說：「其實同太太商量咗好耐，依家適合做呢件事。不過同太太有條件，我每個月一定要跑到一個數，因為小朋友學費同其他開支每個月都要兩、三萬蚊。（子女支持你？）小朋友知道我開教室會多咗時間陪佢哋，都話支持我。」
同場的譚嘉儀與黃洛妍均表示有留意《中年好聲音》參賽者，黃洛妍笑言有不少參賽者都認識，又大讚他們很有熱誠。談到《中年好聲音2》現正進行海選，問到可會建議親友參賽？兩人也笑言身邊的朋友比較怕羞，落力去遊說也不會成功。
【其他文章】：
中年好聲音2丨歐倩怡同屆新秀對手罕現身 巨聲幫歌手淡出多年暴脹
中年好聲音演唱會丨吳大強暈倒唞足4日完騷會再做檢查 周吉佩開騷忍淚以上紅館為目標
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
