有大埔街坊發現區內出現「上門啜腳趾」的街招，不單提供24小時服務，更「平到你唔信」每小時只需50元，有關奇聞在網上引發熱議，「識嘢」網民指有關街招並非首次出現，更揭露事件的真相。
大埔驚現「上門啜腳趾」服務 真相原來係...↓↓↓↓
有網民在「大埔人大埔谷」FB群組發帖，帖文附有相片顯示區內有奇怪行業。
樓主發現區內有廣告街招，寫著「上門啜腳趾」「24小時服務」「每小時$50」，街招附有手提電話聯絡，聯絡者為為周先生。
「睇得出佢對呢行好大抱負」
帖文一出引發熱議，有網民大讚周生有生意頭腦：「哈哈哈哈，啜腳指都俾佢諗到。」「幾有熱誠，睇得出佢對呢行好大抱負。」「仲要24小時，掂！」
有網民甚至想到衍生的服務：「有無啜鼻屎？」
「佢走去啜人？定叫人啜佢？」
不過，由於街招中的「上門啜腳趾」，意思有含糊，樓主在帖文中不禁問：「請問係佢走去啜人？定叫人啜佢？」
果然不清楚，網民亦只好建議樓主：「有電話自己打去問啦。」
街招意思含糊 伏位包括...｜點擊即睇↓↓↓↓
「如果有灰甲同香港腳...」
對於有關「啜腳趾」服務，一些網民坦言不能接受：「咁重口味。」「好嘔心。」「突然有個畫面......如果有灰甲同香港腳。」
有網民擔心腳趾的皮膚被啜壞，認為不會考慮有關服務：「啜又好，比（畀）啜又好，啜成個鐘先50？啜5分鐘腳趾都巢啦。」
逐隻腳趾計錢？
有網民亦指有關服務，可能有隱藏收費，未寫清楚是否每隻腳趾計錢：「每隻50都要考慮吓，仲要一個鐘頭50。」
不過，有網民則不同意，認為服務「一定係10隻腳趾(計錢)」，「高過最低工資仲想點？」
部分網民擔心該服務有伏：「收費低，唔合理。」「咀腳趾係一種禁忌、起碼 900蚊。」
「上門啜腳趾」其實係...｜點擊即睇↓↓↓↓
網民：唔係第一次出現
正當大家熱議不息、半信半疑之際，有「識嘢」網民指出，有關「上門啜腳趾」的街招，並非第一次出現。
早在2014年亦曾在本港出現，不過，當時聯絡人是林先生，電話也不一樣。
至於價錢，雖已過了近十年，這項異類服務，仍然沒有加價，維持每小時50元。
到底「上門啜腳趾」是否真有其事？該網民最後揭盅：「通常係追數公司追數手法。」換言之，這是追數公司滋擾債仔的手段。
網民呼籲，不要被追數公司利用，不要跟街招打電話給所謂周先生，以免被追數公司利用來滋擾債仔。
相關熱話：
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
