現年35歲的江若琳與老公蕭唯展（前名蕭潤邦，Oscar）去年聖誕節前夕宣佈懷孕，5月底公佈陀B仔，到上月初迎來兒子蕭立鈞（Owen），轉眼BB昨日（7日）已滿月，媽媽江若琳在社交網分享多張兒子的近照，訴說當了新手媽媽一個月的感受。本來是非常溫馨的事，但江若琳卻希望囝囝長大後不要像爸爸！
【相關閱讀】：江若琳宣佈誕B仔頭髮濃密極可愛 生產過程現驚險大爆老公好慌張
【點擊睇江若琳囝囝滿月靚相】：
江若琳發長文表示：「人生好奇妙，突然間多咗一個最愛同最值得我一輩子守護嘅男人！我做咗媽媽30日了！我寶貝仔今日滿月了，呢30日過得無比幸福。雖然好攰但有時候望著佢會讓我默默流眼淚，可能因為生完荷爾蒙影響個人變得好感性，有咗佢我覺得曾經受過幾大嘅委屈都唔再重要了，只要佢以後嘅人生唔好受委屈就好了！仔！我想你健健康康，平平安安！開開心心！快快樂樂咁成長！知道嗎？我永遠都愛你！」 她又將兩隻愛貓與兒子放在一起合照，直指3個「寶貝仔」合照令她夢想成真，希望兒子將來也會變成「小貓奴」，又指兒子為迷你版Oscar。
但從照片中所見，Owen明顯與江若琳更相似，與她初出道時的照片更如同餅印，同樣鼻高高且表情可愛。蕭唯展則表示︰「立鈞Owen bb滿月喇﹗辛苦晒偉大的老婆，時間真係過得好快，咁就一個月，兒子好快就要結婚了，不捨得﹗你要繼續肥肥白白身體健康！」之後又上載一張BB滿月晚飯的照片，並寫上：「辛福」字句，卻被江若琳寸爆回覆指：「希望我仔第時努力讀書！唔好學個老豆（竇）！辛咩福呀你😂」，原來蕭唯展誤將「幸福」寫成「辛福」，相當搞笑！
【其他文章】：
江若琳下月卸貨開心公布BB性別 Oscar膽生毛爆老婆躁底惟有死忍
江若琳晒孕照望BB唔好似自己成嚿飯 蕭唯展貼《小燈塔》歌詞遭老婆連派8個emoji
江若琳自揭患畸胎瘤！ 拍片分享4年造人經歷 遲遲未懷孕與丈夫Oscar有關
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
