姜濤今日（11日）到商台接受鄭裕玲（Do姐）主持的《口水多過浪花》訪問，姜濤5月尾推出第11胎《Dummy》，原來他本打算在年初推出一首較輕快的歌曲，但自《叱咤》事件後，他覺得要即時推出一首能夠道出心聲及提醒自己的作品，他還自爆因為是是非非，開始相信風水。
【相關閱讀】：姜濤傳搭上御用髮型師後首開腔 黑底白字壓力疑瀕臨爆煲：我快要爆發了！
【點擊睇姜濤訪問相】：
姜濤今日到商台接受訪問，門外引來過半百名「姜糖」到場，其中一位只得九歲的「小姜糖」趁放暑假跟住媽媽去「追星」。一身黑色打扮的姜濤，於下午3時10分乘坐七人車到場，原本守候在門外的粉絲即紛紛湧入商台，還大叫偶像名字。當姜濤下車時一直保持微笑，雖然他進入了商台的大堂內等候電梯，但他也表現友善跟玻璃門外的粉絲揮手打招呼及鞠躬，更有粉絲隔住玻璃門大叫話姜濤「瘦咗！」
姜濤自爆開始信風水
對於今年的是是非非，屬兔的姜濤自爆開始信風水：「風水真係幾靈，今年犯太歲好應，一來受傷，二來有好多是是非非，係五年嚟最多是非嘅一次」對於早前被指與化妝師傳緋聞，姜濤坦言：「其實有時對於報道點樣講我唔緊要，但係講到屋企人或者身邊工作人員，會影響到無辜既人，我就覺得好對唔住大家，感到好內疚。」他表示那位女化妝師由他入行到現在已經開始合作，向來與身邊每一位工作人員相處都是這樣：「以前覺得冇咁嘅事就唔使驚，但係而家明白作為公眾人物，唯有收埋自己，多啲注意，因為我覺得入得呢一行，某方便係預咗嘅，我份人工包埋嘅，藝人係冇私生活可言，我好明白呢個道理。」姜濤今年經歷過這麼多是非後，他表示接受大家所有好與壞嘅評論，會默默地做返好，被問到目前的心情，姜濤坦言：「一般啦，我唔可以呃大家話我好開心，但係我會朝住令我開心嘅方向去行。」
姜濤日前表示要閉關，專心準備下月的個人演唱會，對於首次舉行個人演唱會，他更劇透有一個好仰慕的人，在舞蹈編排上作出了重大的幫忙，他大賣關子表示：「如果大家知道係佢幫我，大家都會好開心，好surprise，喺舞蹈方便嘅幫忙，佢真係一個大師級嘅人，可以幫我做成個演唱會嘅編排，令演唱會完美match到『水』嘅主題。」姜濤又透露下年推出的歌曲，將會想講一系列放低的故事，並提到MIRROR 的上下弦說法，「例如放低比較嘅心態，MIRROR內部自己都比觀眾分上下弦，呢啲係你不得不去面對嘅比較，人係有好多陰暗面，需要同自己嘅陰暗面去相處、去放低」他續指現在沒有退休的念頭，只希望做到令家人及粉絲驕傲的成績表。
食物不再是快樂根源
訪問期間，Do姐突然將焦點放在姜濤的衣著上，發現他一改作風穿上一件單薄的恤衫，姜濤即大爆今日因為衣着問題與服裝師爭拗了「成個鐘頭」，他表示：「唔想每一次訪問都着到好隆重，只係想大家Focus喺訪問內容，加上天氣好熱，真係好難去著幾件衫。」問到經常被別人評論身形及體重，姜濤自言是「肥仔底」，現在靠努力做運動及節食減肥，但原來食物已經不再是姜濤的快樂根源，他表示：「而家唔開心嘅程度係連食嘢都唔想食，以前稍為食嘢會開心啲！」並表示現在同屋企人去旅行是最開心的事。
姜濤經常介意別人的想法，被Do姐問到「其實最想人哋點樣睇你」，姜濤表示：「有人話想自己成為啲咩人，就諗吓自己嘅喪禮，個主持人會形容你生前係一個咩人，我都係想成為一個好善良嘅人就夠。」至於感情方面，被問到拍拖會否公開，姜濤表示真係拍拖要視乎另一半的意願，不需要太遮掩，但亦會尊重另一半。最後姜濤表示：「好多謝所有評論我嘅每一位公眾，因為其實係你哋俾咗呢個靈感我創作呢首歌，希望大家藉住呢首歌提醒自己唔好變成一個Dummy。」姜濤完成訪問後，他於商台後門離開時，跟欄桿外的粉絲握手、收信件及簽名，有點像小型粉絲聚會一樣，有粉絲見到姜濤後，興奮不停大叫。姜濤跟粉絲見面握手後，便匆匆上七人車離開。雖然姜濤已上車，但一眾粉絲也湧上前爭取時間跟姜濤揮手say bye，不過七人車已離開，粉絲們也遲遲不離場，互相討論偶像，大讚他很靚仔。
【其他文章】：
姜濤讚「AI尹光」超越原唱考慮邀尹光做個唱嘉賓 唔介意海報被指抄羅志祥
鏡粉送機｜姜濤做ok手勢向「姜糖」報平安 再傷腳拐拐吓現身機場獲盧瀚霆旁到實
姜濤《叱咤》後主動提出雪藏自己 過百姜糖冒熱等候獲偶像簽名兩分鐘
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
