已經有4年沒有開騷的古巨基，昨日於IG突發張貼最新演唱會海報，宣佈下月8日於會展舉行《I REALLY LOVE TO SING AROUND THE WORLD LIVE 2023》演唱會，今次古巨基只演一場，他解釋：「呢一個除咗係演唱會之外，亦係I REALLY LOVE TO SING呢個project第一階段嘅Round up，所以只演一場，期待到時見！」
【相關閱讀】：古巨基3歲囝囝七情上面扮「尹天仇」 獲周星馳親自認證：有接班人喇
【點擊睇古巨基音樂會】：
古巨基這個新生代音樂企劃，從籌備及進行橫跨兩年半，這兩年多期間與香港新生代不同歌手合作歌曲，期間推出了不少大熱好歌，基仔表示：「可以預早少少同大家透露，今次實體唱片準備於8月4日推出，由於全碟10首歌都以故事形式拍攝mv，所以實體唱片會有一本類似電影劇照影集，重有一個「好集體回憶」嘅包裝設計。然後我同公司研究，覺得再以一個演唱會作為IRLTS第一階段嘅Round up就完美啦。」基仔還透露有最後第10個合作單位，而第10首係同邊個合作？基仔就話要賣個關子先，「呢個彩蛋喺演唱會前我會話俾大家知，好快有新MV推出。」
談到今次的演唱會，古巨基表示整個演唱會概念會環繞近日極之流行嘅AI人功智能：「個騷嘅故事線係關於音樂和A.I. 和人的關係。首先，AI扮人聲唱歌大家都聽過，所以我哋今次試用AI做演唱會張海報，想睇下AI會有咩新元素帶到出來。我影海報嗰日，一個人一件白背心白背景影咗張相，後期就用AI去處理。結果呢？結果發現A.I.做一張海報，原來比傳統係花更多時間，甚至比往日傳統準備晒服裝、道具、背景影張海報，要做多好多功夫。首先要輸入好多指令、關鍵詞畀AI知我哋要嘅元素及概念，但係發現AI係需要好多溝通教育嘅同時，佢係會提供好多未必啱用嘅可能性，要好長嘅時間調整指令甚至推倒重來，真係難過人手造張海報好多倍。」
古巨基更說：「所以之前好多人話擔心AI發展落去，好多人會失業，我覺得暫時唔會，反而AI 係好需要更多人手操作，大家可以學習點handle A.I.。至於演唱會上，我哋都會試一啲AI可以做到嘅製作效果，現場會用盡會展整個場地，到時大家會體驗到一個大型、立體嘅Video Wall，展現好多唔同立體視覺效果，總之一定睇到大家目不暇給啦！」
【其他文章】：
KKBOX香港風雲榜丨古巨基因為阿囝一句話再踏舞台 Edan自彈自唱緊張到手震
盤點可愛聖誕星B！古巨基囝囝扮聖誕老人自備小肚腩 倪晨曦細仔繼承哥哥造型表情無奈
古巨基餅印囝囝極有表演慾 扮《喜劇之王》交足8種內心戲極速變樣
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
