今日（13日）下午2時許，荔枝角青山道658號一間食肆，一名31歲姓吳男食客報案，報稱被食肆男職員叉頸。事件於FB群組「香港茶餐廳及美食關注組」流傳，引起討論，餐廳其後接受《星島頭條》訪問，講述事發經過。至晚上11時許警方更新案情，指經調查後，以涉嫌普通襲擊，拘捕涉案35歲姓林男職員。
旁觀食客發帖 講述事件經過
網上今日下午2時許流傳一則帖文表示，「今日兩點幾去食嘢，隔離枱杯嘢飲有只曱甴，個食客同侍應講返，話見到嘢飲有曱甴就想嘔，同埋點解可以一句對唔住都冇，女侍應答佢：『咁你咪嘔囉！』個客嬲到即刻出去埋單走，同收銀講：『欣賞你哋品牌先成日食，但今次好失望，估唔到一個道歉都冇。』」
帖文續指，「點知廚房突然有個廚衝出嚟推個客埋牆！再叉住食客條頸！想摙死個客咁！我同其他食客即刻上前，話再郁手就報警，最終要其他人拉開先停手。然後其他侍應就護送呢個廚入返廚房，呢個時候仲係一句對唔住都無。疑似老闆就過嚟話只係話係小誤會，無咩事。最終食個飯要搞到報警，最好笑係大家都留電話俾受害者，話願意做證人，真係個個都睇唔過眼。警察嚟到，佢哋成班人仲係繼續好串，完全覺得自己無錯」。
老闆娘解釋曾多次道歉
事件流傳後引起網民討論，其後餐廳亦將事發時片段上載至社交網站。餐廳老闆娘趙小姐接受《星島頭條》訪問時，解釋事發經過，表示當時涉事一枱有兩名男食客，其中一人飲奶茶期間，向其中一名餐廳職員表示其奶茶裏有曱甴。職員隨即致歉稱可能是冰塊受污染，又願意向該名食客更換飲品，食客說不需要。其後食客要求找餐廳負責人，趙小姐遂上前協助並再度解釋並道歉。趙小姐說，當時該名食客直言不會付款，她回答願意，但另一名同行食客的餐由於沒問題，因此不會取消整張單。
隨後食客情緒激動表示想嘔，並稱會報食環及警方，趙小姐則說願意配合。餐廳職員見事情膠著，遂入餐廳通知廚房內的趙小姐丈夫，趙小姐丈夫隨即衝出廚房推開食客。趙小姐強調，她和職員均有多次道歉，而她老公的確有推開該名食客，但並沒有出手打人。現時她老公已正於警署接受調查，已將閉路電視交警方，等待調查結果，餐廳亦會明日（14日）如常營業。
--
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
