將軍澳對出海域近日連夜泛起神秘藍光，將夜空倒映成裝滿「藍眼淚」般，網民百思不得其解，指「藍到咁好奇怪」，紛發相每事問。回應的網友眾說紛紜，有說是將軍澳跨灣大橋的射燈燈光，有人估計是夜晩打高爾夫球所致，有說是照魷魚的燈艇，另有人認為是漁船的射燈，還有人語帶希冀地稱「外星人終於到訪」、「UFO終於來啦」。
仿如「藍眼淚」神秘藍光實況 ＋ 網民驚訝回應↓↓↓↓
有網民7月10日晚上10時24分，在社交網站facebook專頁「筲箕灣西灣河關注組」以「由（筲箕灣）耀東望向東北偏東（鯉魚門方向）有這些奇怪藍光」為題上載相片，並hashtag「#看地圖似係大亞灣方向」。
相中，夜幕低垂的天邊，雲朵泛著奇異而晶瑩如海邊「藍眼淚」色調的藍光。網民直覺指是將軍澳跨灣大橋的射燈，但當樓主搞清射燈每晚7至9時才亮著後，即指「7~9 先開？？但我頭先啱影的（當晚10時24分上載相片）。所以係咪唔係同一樣嘢？？」。
有人接著附圖糾正，「邊度係跨灣大橋啲射燈呀，啲光係（將軍澳）工業村／堆填區嗰邊嘅山後面射出㗎喎……唔通條橋每晚熄咗射燈之後都會有殘光係另一個地方出現？」。
樓主續估計：「會唔會係夜晩打Golf（高爾夫球）」，有回應則指：「都諗緊係咪Golf果邊或者係啲工程船」，另一回應：「我都覺Golf場燈嘅機會大……但係呢情況都係近排先有，之前都唔會有光／好暗」。
戲迷估計「喺筲箕灣开拍（阿凡達）」
有網民則稱，「咪又係照魷魚啲燈艇」，有網友則認為是「漁民燈艇」，稱「聽聞係大陸休漁期，所以大陸漁船走咗落嚟捕魚，1隻船有幾百支燈，唔好話幾隻，1隻已經令到成個山頭都爆光，並指呢啲船多數係西貢、果洲、蒲台 一帶」。
此外，網民更異想天開地指「外星人終於到訪」、「UFO終於來啦」，戲迷則估計「喺筲箕灣开拍（阿凡達）」。有人還執著樓主的「#看地圖似係大亞灣方向」，指「天才呀！ 大亞灣啲光能打到香港，過兩晚可能睇到上海外灘夜景」。最後有人離題發問「你個景好開揚喎，可唔可以講邊座呢？」。其他網民回應請瀏覽上圖↑↑↑↑。
藍眼淚相關新聞：
汀九海岸潮湧「藍眼淚」 拍友附參數分享拍攝心得
潮汐一漲一退，有意無意間羞澀地在海岸拍出神秘藍光。憂鬱的夜光藻「藍眼淚」夢幻如星光般點點灑落汀九海岸，驚艷網民。有人更笑言「好多藍泡泡呀」，並問「是阿凡達第二集現場嗎？」。
汀九海岸湧起「藍眼淚」實況和網民回應：
將軍澳跨灣大橋射燈相關新聞：
將軍澳跨灣大橋射出神秘紫光 網民改圖召喚蝙蝠俠
—————
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
