容祖兒34場「ANOTHER SIDE…JOEY．MY SECRET．LIVE」演唱會昨晚於演藝學院展開，首晚為歌迷場，不少歌迷昨晚都按照dress code花盡心思，有人扮雞、扮外星人、王子、金黃爆炸頭，場面歡樂搞笑。容祖兒好友蔡卓妍（阿Sa）、林海峰、師妹李幸倪（Gin Lee）等都有到場捧場。
【相關閱讀】：容祖兒演唱會傳招聘員工日薪960蚊 英皇澄清屬求職騙案
【點擊睇容祖兒演唱會】：
相隔六年再於演藝學院做「SECRET．LIVE」，整晚氣氛都又歡樂又感動，不時歌迷更與容祖兒大合唱，又一齊跳舞，令演藝學院變了一個熱鬧大party room ，完騷後歌迷不停叫安歌了近15分鐘才依依不捨離場。演唱會最後部份是點唱環節，容祖兒現場抽出歌迷一早寫下希望點唱的歌曲，而歌迷亦為她準備了一個幾層的生日蛋糕，補祝她之前6月生日，大家一起大合照。
四年未踏上過香港舞台，容祖兒跟觀眾打招呼時搞笑道：「熟口熟面，又係呢個地方，又係呢啲人，大家覺得我有冇變呀？」歌迷大叫: 「有呀，變靚左！」繼而她又發覺自己身上的短裙，這麼近觀眾席，打底褲都比人睇晒，無論她行去甚位置，都是一樣半走光：「哎，走去邊都睇到？（觀眾：我想睇呀！）哈哈，你又想睇？前面嗰啲開始流晒鼻血啦！哎也，咁點呀，唔緊要啦，反正大家一家人，打底褲就係用黎打底，就係預咗畀大家見到㗎啦！哈哈。」
到談及內心世界的部份，容祖兒坦言自己是一個歌手之外，another side就係一個中女：「有事業，生活無憂，但重係一個人吊吊揈。」她反問觀眾，擔不擔心她？然後笑道最緊張她的感情生活有沒有着落的人，應該是好朋友蔡卓妍：「我同蔡卓妍感情不用介紹啦，今晚佢都有嚟，佢有段時間，真係好瘋狂，佢應該係全世界最希望我得到幸福嘅人。」
「Text咗一段日子」
容祖兒笑說：「最瘋狂的日子，佢見到所有男人，都會落個啱唔啱容祖兒嘅filter，仲同我講，你咁可愛又咁搞笑，我係男人我溝你啦！對阿Sa嗰份真心、認真、熱誠，我唔想辜負佢。所以有一次佢介紹左一位異性俾我識，咁我地就禮貌上交換個電話之後各有各忙，我同對方，只係斷斷續續text咗好一段日子，都係嗰啲『加油』、『how are you』之類啦！我個人好慢熱，都為禮貌，為阿Sa一番心意。」
容祖兒還大爆對方相當熱情：「對方呢，見我回多一兩次，就開始send自拍照畀我，報告自己生活狀況，我當時都驚一驚，但為咗尊重阿Sa，我唔識回答，都留咗個Emoji咁……點佑佢竟然再努力，留言 : 『I miss you baby ！』嗰一刻我真係嚇死啦，baby後仲唔停喎！仲話不如我地一齊試下發展！你又唔了解我……但對方不知何來的自信，竟然再同我講：『 我已經睇晒你啲演唱會！』好了解知我係咩人……」完騷後，容祖兒說：「收到好多朋友恭喜我個騷咁成功，個個都大讚好睇，兼人人最後都係個句: I MISS YOU BABY，笑死，哈哈哈。」
【容祖兒「ANOTHER SIDE…JOEY．MY SECRET．LIVE」演唱會歌單】：
《溶》
《渴望晨曦的女孩》
《一個人砌圖》
《我杯茶》
《侯鳥樹》
《28個我》
《敬請留步》
《我好得閒》
《13點》
《Honey》
《小日子》
《煙花紀》
《戀人未滿》
《圓謊》
《無人知道雙子座》
《玩家》
《蜃樓》
《飛》
《夢非夢》
《男朋友與歌》
《東京人壽》
《陪我長大》
《舊日回憶的山丘》
《螢》
《ANOTHER SIDE MEDLEY》
《最好時光 》
【其他文章】：
蔡卓妍陪完阿爸遊泰即與餅印媽「姊妹出巡」去瑞士 仲分身同容祖兒慶生
容祖兒演唱㑹2023丨相隔4年再開騷門票今早發售即秒殺 呼籲歌迷到社交網留言點歌
周董星爺「雙周合體」歎靚酒傾合作 容祖兒阿Sa入場朝聖被讚年輕
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
