將軍澳彩明苑一名女子前晚（7月13日）被一名男子行近，女子男友護花心切，在街頭與對方發生爭執，該名白衣漢卻突然扮跌，整個人倒地並飛出眼鏡，事後更報警求助，聲稱被人推跌，要求驗傷。
雙方在屋苑人來人往的通道擾攘，過程被相信是女事主拍攝下來，看過長5分55秒短片的網民笑指白衣男為路上的碰瓷黨，稱「揸車有碰瓷黨，依家行路都有碰瓷黨」。
將軍澳護花爭執事件逐格睇 ＋ 網民機警回應↓↓↓↓
片中所見，戴眼鏡的白衣男相當難纏，不時笑笑口，淡淡地地向對方步步進逼，涉事情侶顯得相當無奈。涉事2男1女詳細對答節錄如下：
女朋友（疑似拍片人，無出鏡）：你做咩要黐過嚟啫
白衣男：你郁手
男朋友（黃衣）：你咪打我囉
白衣男：你係咪想郁手吖
男朋友：我唔係郁手呀，你唔好再向我女士埋身咯
白衣男：咪住
男朋友：唔該你褪開啲
白衣男：你而家郁手呀
男朋友：你唔好再
女朋友：我冇郁過手
男朋友：唔好再行前
女朋友：冇郁過手
男朋友：唔好再行前
女朋友：你唔好再黐埋嚟啦
白衣男：哦嗚嗚......嗚呵呵（邊叫邊突然跌倒地上）
白衣男：哎，你咁嘅（跌倒地上後）
男朋友：唔好再行前
女朋友：哎吔，哎吔，我驚㗎
女朋友：你唔好咁樣啦
白衣男：嘩，呀（站起後彎身執起跌於地上的眼鏡）
女朋友：好醜怪呀
男朋友：唔好再行，你唔好再行前，唔該
白衣男：你有推
男朋友：唔好再行
女朋友：你好醜怪呀真係
男朋友：你做咩行埋女士度呢
白衣男：呢度係Public（公眾）嚟嘅
女朋友：係Public嚟係
白衣男：我向邊一邊行係......
男朋友：唔好再行去我女士身邊
白衣男：你真係唔好撞到我
男朋友：你唔好再過嚟，唔好再過嚟，唔該，唔好再過嚟
白衣男：（拿出手機按鍵，順勢擋男朋友（黃衣男）埋柱，並以手壓著對方）
白衣男自行報警兼步步進逼
女朋友：喂，你唔好咁樣啦......
女朋友：可唔可以幫我報警呀（對路人講）
女朋友：有冇人可以幫幫手呀（對路人講）
男朋友：喂，唔好......女士身邊呀
男朋友：你報呀
女朋友：可唔可以幫我報警呀（對路人講）
白衣男：你好，呢度係彩明苑（已報警，正跟警方對答）
白衣男：我想報警（跟警方對答）
白衣男：啱啱我畀人推跌咗（跟警方對答）
女朋友：唉，真係好笑
白衣男：係呀，冇錯，因為，我覺得係要驗傷（跟警方對答）
女朋友：哈
白衣男：係（跟警方對答）
白衣男：我，我用隻手壓住咗佢（跟警方對答）
白衣男：係，我依家喺彩明苑（跟警方對答）
白衣男：係，彩明苑呢度係（跟警方對答）
女朋友：喂，阿Sir快啲嚟啦（疑似隔空喊話希望警方聽到）
女朋友：我覺得我男朋友畀佢壓住咗呢
女朋友：佢有啲問題呢，你唔嚟嘅話，我哋係會受傷害囉
白衣男：我哋呢度，係，應該彩明（跟警方對答）
女朋友：寶覺中學後面呀，寶覺同埋明道小學中間嗰條走廊
白衣男：係，咩話，Sorry，係，喺路邊（跟警方對答）
女朋友：唉（嘆氣）
男朋友：喂，你咪借啲意先得㗎，你借啲意打我，你唔好再掂我啦（被白衣男揮手掃到頭部）
白衣男：你唔好行呀（接著向警方講手機號碼）
女朋友：痴線㗎
男朋友：你唔好行埋嚟，你唔好行埋嚟
女朋友：喂，救......
女朋友：有冇人，有冇人可以
男朋友：你唔好捉住我
女朋友：有冇人可以
男朋友：你唔好捉住呀
男朋友：嗱，阿Sir見到呀，同你講，你唔好再捉住我
男朋友：我唔會走，我同你講，你呢條友，你係咪傻㗎你呀
男朋友：你係咪揸白卡㗎，你身上係咪有刀呀
男朋友：你唔好再咁樣
白衣男：係，冇錯（回答警方）
白衣男：佢冇（回答警方）
白衣男：唔識（回答警方）
男朋友：你唔好以為報警呢，就唔係你問題啦
男朋友：你想揩，你想揩個女士呀嘛
白衣男：36（跟警方對答）
男朋友：嗱，你企喺呢度，我企呢度，點解你要埋嚟呢？
白衣男：你可唔可以派咗警察過嚟了解先
男朋友：你冇再埋嚟，嗱嗱，一人一個格，你企過嚟做乜ｘ嘢呀，你係咪傻㗎
白衣男：我驚，我驚佢
女朋友：唉（嘆氣）
男朋友：你驚你老ｘ咩，一人一個格啦
女朋友：真係嘅，真係嘅，警察，你呢度快啲派人嚟啦
男朋友：一人一個格呀，你老ｘ聽唔聽到呀，冚ｘ鏟
白衣男：我聽唔到，我聽唔到你講咩呀
女朋友：唉，可唔可以快啲派人嚟呀
白衣男：應該係擦傷，冇出血過，因為隻手攞緊電話（回答警方）
白衣男繼續向黃衣男（女子男朋友）進迫：
男朋友：唉，梗係冇出血啦你，ｘ你老ｘｘ
女朋友：佢自己瞓低㗎咋
女朋友：佢自己瞓低㗎咋
女朋友：我其實拍晒片㗎喇
女朋友：你快啲搵人嚟啦，我哋走唔到呀咁樣
男朋友：你，拍片嗰下你都瞓低
男朋友：你傻仔
女朋友：唉（嘆氣）
白衣男：係（繼續回答警方）
男朋友：又唔係打，你又唔係打我，你打，嗱嗱聲打我啦
男朋友：喂
女朋友：你唔好成日掂佢啦
男朋友：你唔好成日掂我啦
男朋友：影住㗎
白衣男：影住（手機已收線）
男朋友：我無走，嗱，一人企一個格
男朋友：識唔識聽，識唔識聽中文
白衣男：唔識
男朋友：咁咪戇ｘ囉，ｘ你老ｘ囉
白衣男：咩話，咩嚟㗎
男朋友：咩咩嚟㗎
白衣男：喂，咩嚟㗎
女朋友：唔好再郁身郁勢啦
男朋友：你唔好成日郁身郁勢啦
男朋友：你唔係大隻㗎咋
男朋友：你係傻仔嚟㗎咋
白衣男：點解我唔指得你呀
男朋友：唔指得我咯
白衣男：咁樣指來指去有咩謂
男朋友：無呀，你咪指囉
白衣男：你唔好走呀你
男朋友：我唔會走
女朋友：我真係無諗住走
女朋友：真係冇諗住走呀
男朋友：為民除害，攪ｘ你囉，冇所謂嘅，大把時間
女朋友：真係冇諗住走
白衣男：邊個攪ｘ我
男朋友：ｘ你老ｘ，差佬攪ｘ你囉，唔通我攪ｘ你咩
男朋友：傻ｘ
男朋友：你唔好走
男朋友：你唔好再行咁近啦，ｘ你老ｘｘ，死基佬
男朋友：做咩啫你，你好鍾意男人咩
男朋友：我都冇走過
男朋友：一人一個格，嗱，我企呢度，你企呢度
男朋友：有咩問題啫
白衣男：就算鍾意男人都係唔鍾意醜嘅
男朋友：我唔理你醜唔醜丫，你碌嘢，ｘ你呀老ｘ，你做咩係咁＂哄＂埋嚟呢，你係咪傻㗎呢
男朋友：我冇走過，企喺度，我做咩走，嗱，大家有個距離得唔得呀
白衣男：我跑得好慢
男朋友：我唔使，我，我唔使呀
男朋友：我同你講，我做咩要走，做咩咁近啫
男朋友：做咩要咁近呢，我就從來冇走過，我做咩要走呢
男朋友：我好想睇，睇下你個差佬
白衣男：企定定啦
男朋友：我咪企定咗，你唔好企前，嗱
男朋友：你又企定呀
男朋友：你個傻ｘ，做乜ｘ嘢，你做乜ｘ嘢
男朋友：企咁前做咩
男朋友：你做乜ｘ嘢
男朋友：你起晒衫袖，又唔係打我
男朋友：我唔會淆，我唔會驚你㗎呢度，你大陸係驚你啫
男朋友：你冇傻啦，傻仔
男朋友：你呀，一係，嗱，我，而家你碰我一次，你跌多次，我表演多次囉
男朋友：係咪呀，你啱啱先掂完我啫嘛，又叉我頸，係咪
白衣男：唔畀你走
男朋友：你咪唔好畀我走囉
男朋友：你叉我頸吖嘛
男朋友：係咪呀，你睇下邊個蝕咯，嗱
男朋友：我一陣同你講，阿Sir嚟到呢
男朋友：你唔好同我道歉
男朋友：我唔ｘ受嘅
男朋友：你唔好ｘ同我道歉呀
男朋友：我一定上差館呀，同你講
事件中無人受傷無人被捕
警方指，前日（13日）晚上9時13分接報，報案的是一名38歲男子，涉事的另外兩人為一名29歲男子，和一名26歲女子。事發時，38歲的報案男子行兩人後面，29歲男子疑不滿對方走得太近。警方到場調查後，發現無人受傷，事件中亦無人被捕，將案件列作糾紛。
樓主籲單獨回家女士小心
樓主以「我同女朋友返屋企途中……上載短片，並指「喺條大路度冇人，佢都要緊貼住我女朋友後邊，然後我見到我立刻制止佢，然後佢冇停不特止向，一直向我女朋友衝過去，之後就影」。
回應的網民紛「求下集」，問「有冇續集？」，樓主回應指，「終極就係報咗警，然後有差佬嚟警告咗佢，完。條友住將軍澳or調景嶺......大家真係要小心。尤其是單獨回家嘅女士」。
網民稱，「而家d人真係痴線，段片都見到佢不段向住個女仔行，之後又扮跌......」。另有人指，「佢自己飛個下。都幾誇」、「氣場好ｘ勁喎，彈到咁遠」、「可能已經出五連鞭㗎啦」、「快到出咗手都影唔到」、「有名你叫『閃電』五連鞭就知咩啦」。
還有網友表示「好彩你地有拍住片」、「拍得好，有片有真相」、「自己插水之後話要驗傷」、「睇佢戲屎到......」、「揸車有碰瓷黨，依家行路都有碰瓷黨」。其他網民回應請瀏覽上圖↑↑↑↑。
—————
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
