李日朗入行20年受盡委屈:食死貓啞忍多年，傳為情癲咗翻唱《傻女》兼被騙300萬。
Previous Next

離開TVB 15年的李日朗（Don）去年初回巢，客串過幾集《法言人》，在《輕功》中演冇角色名的富家子，終於等到在新劇《靈戲逼人》演大奸角，戲份又多又有發揮。今年是李日朗入行20周年，冇大紅過但有人識，半紅不黑受過唔少委屈，最嬲當年翻唱哭腔版《傻女》，竟被指求愛不遂(蔣雅文)癲咗，又試過投資被騙去300多萬，不過有手有腳總搵到出路，早前他便考到牌成為日式小顏術師開拓新天地。採訪：方騫平 場地：小小堂

Don在娛樂圈20年感恩冇餓死，就算曾經冇晒錢都搵到生存方法。
Don在娛樂圈20年感恩冇餓死，就算曾經冇晒錢都搵到生存方法。
李日朗好用心做好每份工作。
李日朗好用心做好每份工作。
Don做人好正能量，有乜委屈好快唔記得。
Don做人好正能量，有乜委屈好快唔記得。
Don感恩20年來有好多前輩扶過他。
Don感恩20年來有好多前輩扶過他。
就算係「散打工」，20年來冇被淘汰，證明仲有生存價值。
就算係「散打工」，20年來冇被淘汰，證明仲有生存價值。

新劇《靈戲逼人》中李日朗先陷害張振朗抄歌，再𠱁蔚雨芯上牀，奸到出汁，他唔怕影響形象，笑說：「𠵱家啲人睇電視劇會放鬆咗，如果咁樣令到觀眾討厭我，證明我演技好ok，唔使做小顏術師啦。」他形容跟蔚雨芯嘅牀戲好皮毛，遠遠不及電影《性工作者十日談》，片中做變性人妓女跟鄧健泓有濕吻；另《踏血尋梅》演「四眼濟」嫖客，跟女主角春夏由牀做到去浴缸，仲第一次露股演出。

新劇《靈戲逼人》中做大奸角，𠱁蔚雨芯上牀露出奸狡眼神。
新劇《靈戲逼人》中做大奸角，𠱁蔚雨芯上牀露出奸狡眼神。
新劇演渣男角色。
新劇演渣男角色。
劇中個樣好衰。
劇中個樣好衰。
雖然戲份唔多，但獲唔少觀眾讚演得好。
雖然戲份唔多，但獲唔少觀眾讚演得好。
李日朗唔怕做奸角影響形象。
李日朗唔怕做奸角影響形象。
Don勝在冇形象包袱。
Don勝在冇形象包袱。
現實中Don卻係暖男。
現實中Don卻係暖男。
去年初Don回巢，客串過幾集《法言人》。
去年初Don回巢，客串過幾集《法言人》。
劇中重遇前輩黎耀祥。
劇中重遇前輩黎耀祥。
Don肯豁出去，真係幾好戲。
Don肯豁出去，真係幾好戲。
2007年在電影《性工作者十日談》演變性人妓女，跟鄧健泓有赤裸牀戲。
2007年在電影《性工作者十日談》演變性人妓女，跟鄧健泓有赤裸牀戲。
2015年拍《踏血尋梅》演嫖客，跟春夏有激烈親熱戲。
2015年拍《踏血尋梅》演嫖客，跟春夏有激烈親熱戲。

衰心軟被騙300萬

20年來，李日朗受過唔少委屈難於啟齒，「當年得21歲，做『細』嘅有咩事都會推落我度，冇辦法喎只得食死貓啞忍…」2015年，他重新演繹陳慧嫻經典金曲《傻女》，雖然勁Hit有50多萬點擊，但遭全城狂笑，指他受唔住蔣雅文婚訊刺激才唱得聲嘶力竭，更直指他求愛不遂癲咗，令他相當難受。事隔8年李日朗依然放唔低呢個心結：「好記得當年一瞓醒見到海量評論，但98%係負評，話我為情黐咗線，做音樂亂嚟，直至後期有音樂人挺身講返兩句，讚首歌有可聽性；亦有失戀嘅聽完話得到共鳴。」當年他自資6位數推出翻唱專輯《Fly Me To The Earth》是想做睇得見的音樂，「聽到啲歌腦海中自然浮現出唱歌環境及情景，如同百老匯歌劇，可惜被扭曲，辜負咗參與嘅前輩心血，仲累到佢哋俾人笑真係唔好意思，隻碟其實受發燒碟迷力捧，亦係我銷量最好嘅一張專輯，𠵱家得返幾十隻喺我屋企珍藏。」

8年前，Don以哭腔唱出《傻女》，換來網民狂插。
8年前，Don以哭腔唱出《傻女》，換來網民狂插。
Don及蔣雅文曾組情侶檔「Don & Mandy」發展而傳出緋聞，後來不歡而散。
Don及蔣雅文曾組情侶檔「Don & Mandy」發展而傳出緋聞，後來不歡而散。
李日朗做過哥哥紀念音樂會。
李日朗做過哥哥紀念音樂會。
Don一身昔日哥哥造型，和鄭中基在紀念張國榮演唱會上演出。
Don一身昔日哥哥造型，和鄭中基在紀念張國榮演唱會上演出。

2018年，李日朗作多方面投資，慘被相熟生意合夥人騙去300多萬，包含家人的血汗錢，搞到一鋪清袋：「最慘當中50萬用嚟拍電影《鐵璧男之拳》，對方話屋企有人患病要急用，一去冇回頭，因為冇咗50萬，資金變得緊拙，拍攝被迫延期，至2019年開始疫情，《鐵》片上映唔到變Total loss令血本無歸，只怪自己又蠢又心軟，係一次重大教訓。」問到有冇試過追數?他笑言「警都報埋」，最終當然追唔到，

2019年由他執導的電影《鐵璧男之拳》，因為被騙去50萬資金影響拍攝進度，最後胎死腹中。
2019年由他執導的電影《鐵璧男之拳》，因為被騙去50萬資金影響拍攝進度，最後胎死腹中。
Don將現實中玩唔到嘅元素放晒落片中。
Don將現實中玩唔到嘅元素放晒落片中。

轉型小顏師狂吸金

自問盡力做好每個Job的李日朗樂於被封娛圈「散打王」，「就算係『散打』都有咁多人記得我，都OK呀，呢20年由幕前做到幕後，由歌手進化到自資出唱片，2009年至2016年放棄香港市場去北京發展，咁勇敢都畀個讚自己，經歷令自己成長咗好多，感恩遇上每位好前輩，每個階段上天都賜我打不死嘅運氣。」目前主力經營小顏術師的他，靠一門專業手藝，生意愈做愈好，更開心晒命是20年來搵得最多。問到成功轉型，係咪已冚熄咗演藝團火？他坦認而且有不捨：「女友黃靜藍都支持我，最緊要做得開心及有滿足感，幫人重拾自信。𠵱家真係冇乜時間靜落嚟諗創作，情況好似打邊爐滾咗要收慢個火，等肚餓時再開火烚過。」

Don進修半年考獲日式小顏術證書，幫人重整臉容找回自信。
Don進修半年考獲日式小顏術證書，幫人重整臉容找回自信。
考牌得來不易，老師會不時嚟監察住。
考牌得來不易，老師會不時嚟監察住。
擁有V煞面嘅蔡思貝，都幫襯過Don。
擁有V煞面嘅蔡思貝，都幫襯過Don。
仲有近排高人氣嘅順哥(魯振順)。
仲有近排高人氣嘅順哥(魯振順)。
目前Don主力做小顏術師，創出一片天。 ​
目前Don主力做小顏術師，創出一片天。 ​
Don由幕前做到幕後，曾執導過幾套電影。
Don由幕前做到幕後，曾執導過幾套電影。
初出道時拍過TVB偶像劇《當四葉早碰上劍尖時》。
初出道時拍過TVB偶像劇《當四葉早碰上劍尖時》。
當年嫩口黎諾懿演李日朗哥哥。
當年嫩口黎諾懿演李日朗哥哥。
當年同陳家樂係英皇同門。
當年同陳家樂係英皇同門。
自覺當日隻身到北京發展好有勇氣。
自覺當日隻身到北京發展好有勇氣。
Don跟年齡相差13年嘅model女友藍藍，拍拖5年感情穩定，認定係結婚對象。
Don跟年齡相差13年嘅model女友藍藍，拍拖5年感情穩定，認定係結婚對象。
兩人sweet爆。
兩人sweet爆。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ