獲「靚聲王」張偉文鼓勵參加《中年好聲音2》海選嘅經理人方俊(Aman)向來尊師重道，仲承諾會一世照顧張偉文。前天方俊陪張偉文飲茶時，發現張偉文精神、胃口欠佳在發燒中，因而馬上推他返回老人院院舍，並知會老人院call十字車送他入院，幸而現已退燒，並回恢復精靈。文：方騫平
方俊經常陪張偉文飲茶。
有時仲安排他見吓fans，有精神寄託。
老人家有嘢食就最開心。
張偉文好有「食力」。
前天張偉文身體開始不適，冇晒胃口。
冒住8號風球到醫院探望
方俊昨天冒住八號風球到醫院探望：「今次輪到我同佢打氣，我叫佢爭氣，一定要唱返歌娛人娛己。」醫護指張偉文已退燒，院方正等待驗血及驗尿報告，了解發燒起因，所以要多留院幾天觀察，但唯一排除係再中新冠肺炎及患上流感。
昨天方俊冒住8號風球到醫院探病。
好彩張偉文退咗燒後有啲精神。
方俊指70歲嘅張偉文去年兩度「中招」後，身體狀況大不如前，尤其記憶力時好時壞，需要特別護理，他出錢出力，已安排偉文轉往另一間較多人手及較新淨嘅護老院，希望他得到更多適切照料：「舊老人院院舍人手緊張，理唔到老人家太多，未必即時會發現到佢生病，所以無論偉文係咪有病，平日佢都會係咁瞓。」同時，方俊希望能順利晉身《中年2》100強，令張偉文睇到愛徒嘅表演。
張偉文長期喺老人院發呆。
去年8月張偉文喺元朗大劇院演唱，獲姚煒及方俊做演出嘉賓。
去年3月張偉文因所住嘅安老院爆發新冠疫情而感染入院。
個唱上張偉文見到歌迷來支持就會感動爆喊。
方俊獲張偉文鼓勵下參加《中年好聲音2》海選。
涉及肥媽嘅「大大聲女歌星事件」，唔知會否影響方俊入選呢？
張偉文唔介意坐住輪椅唱歌搵食。
張偉文自2015年開始健康出現問題，飽受腰患、糖尿病困擾做咗兩次腰椎大手術，暴瘦100磅，要坐輪椅代步。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
