現年72歲的李龍基日前亮相TVB節目《星光路上》潘盈慧訪問，入行至今近半個世紀的他，拍過不少劇集，有「酒廊王子」稱號，其一頭白髮染上粉紅色High Light，他坦言自己非常喜歡粉紅色，節目中他又提到與年差36歲的年輕未婚妻的一段情，浪漫的相識經過。
【相關閱讀】：72歲李龍基「爺孫戀」大壓力 要滿足36歲性感女友認靠男士保健品
【點擊睇李龍基訪問】：
李龍基提到當年由日日返工對住機器，到參與歌唱比賽入行的往事，他坦言是因緣際會成就其繽紛經歷，當年由酒廊歌手開始，最高月入曾高達24萬元：「每晚走八個地方，每一個地方我要唱45分鐘，最高記錄一個月可以搵24萬，嗰陣我試過買一層樓，係13萬8咋！」他坦言當時沒有時間休息：「實在太貪錢，本來可以每個禮拜休息一日，但嗰一日休息唔見好多，所以唔休啦，其實咁樣係錯，聲帶唱得多會變，試過有一輪瞓唔到，醫生話我精神接近崩潰，嗰陣精神壓力好大。」他最終決定讓自己休息，轉而投入電視發展，在《神鵰俠侶》中飾演王重陽，再變成TVB飾演皇帝的常客。
談未婚妻一臉幸福
提到年底再婚一事，李龍基甜絲絲講起與未婚妻Chris在港鐵相識的過程，二人相處多時，他開始不介意外界的睇法：「因為佢係國內人，甚至寫到佢喺國內做小姐，其實以佢個家底同身份，有需要做呢啲咩？無咁嘅需要，仲有我都唔係一個蠢人。老實講咁耐嘅相處，我知道佢係咩人。」李龍基已將自己的七個物業，全數轉到Chris名下，對未婚妻非常愛錫。
【其他文章】：
李龍基 葉振棠開兩場Show嫌少 夾埋嘉賓胡楓Joe Junior 合共321歲
90歲葛蘭戴巨型鑽戒現身貴氣逼人 臉色紅潤瓜子口臉凍齡到似60歲
亞視台慶丨72歲李龍基未婚妻驚變大媽？ 自爆見家長成功年尾低調結婚
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
