星8卦｜「拆彈」衰高調被冷落 「芝芝」靠「老公」支持低調搞事業上位
「老公」又換新歡，之前嗰位「拆彈」雖然好鍾意，但佢衰在玩高調，令到「正印」好唔高興，搞到老爺出手調停，對方成日諗多咗，以為可以趕走「正印」，男人一定揀自己呢種姣且騷，但佢唔明白有錢人屋企總要一個可以見得人嘅花瓶，「正印」乾淨又叻女，所以先可以坐正。
「老公」癖好係胸前偉大，外表乖巧清純嘅「芝芝」合晒佢胃口，除咗衫係第二個樣，更好係「芝芝」好喜歡演戲，事業心重，喺埋一齊之後就問「老公」拎錢搞製作，自己鍾意拍乜就拍得豪爽，跟住「芝芝」嘅團隊絕對係收到足，不過大家都奇怪佢錢從何來？
好似拍隻MV，用嘅人勁過拍天王天后嘅幕後，仲喺外國請人返嚟話要畀人知有大水喉來自外地想靠佢打入大灣區喎，真係當聽嘅人係傻仔。不過「老公」真係好錫「芝芝」，兩個人成日坐私人飛機周圍去玩，又瘋狂買衫畀「芝芝」，但呢個女仔唔係好同佢講物質，情願自己出名啲努力搵真銀，仲好怕俾人知佢哋嘅關係，所以「老公」同佢Happy得開心，就更多愛得癡纏。
【相關文章】：
星8卦｜「王子」用盡計謀扮病自保 睇準時機專揀紅人幫自己上位
星8卦｜「大姐大」後生專做第三者搵刺激 老嚟免費送外賣無人要
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
