屯門一名貨車司機早前因為上落貨受阻問題，懷疑與一對帶同年幼子女的夫婦發生爭執，並被指向對方的車輛吐口水，女事主在facebook上載短片和疑似相片時揚言「我成隻手都係（口水）」。
網民看過雙方對罵的短片及事主講述的情況後，先是認得「呢個位應該係蝴蝶邨街市落貨區」，並化身「掌門人」作出批判性回應——「死火燈／卸貨區／落人要半分鐘，嘈交／吐口水！（打和Super）」。
女子怒斥司機𦧲口水逐格睇 ＋ 網民具批判性回應↓↓↓↓
女事主上載長約6秒的短片時留言「呢個司機黐線㗎，佢自己心情唔好，落車鬧我哋落車企落得好慢，最後佢吐口水落我哋架車，我成隻手都係，話報警佢就即刻揸車走人，好彩影低咗佢，大家小心！咁大個人對住我兩個小朋友做埋呢啲行為，如果佢做爸爸或者爺爺極為羞恥」。
短片只拍攝到涉事司機，在夾雜兒童哭聲的對答中，聽到手指指的女事主不斷稱「呢個人𦧲我口水」，而男司機則叉腰勞氣地著對方行開———
對答實錄如下↓↓↓↓
女事主：呢個人𦧲我口水呀
女事主：佢𦧲我口水呀
男司機：你行開先啦
女事主：黐線㗎，佢無端端𦧲我口水
男司機：你走開啦
在回應網民留言時，女事主續指「諗都冇諗過佢咁大個人吐口水」、「我哋打咗死火燈落一落車都係半分鐘嘅事，佢即刻衝嚟鬧我哋， 嘈完一大輪，最尾跑過嚟吐口水」。
而相信是女事主丈夫的男子則留言稱「......吐口水呢一個行為係極度嘔心！重點係吐完口水直接開車走呢一度已經好不負責任......」。
女子怒斥司機𦧲口水逐格睇 ＋ 網民具批判性回應↓↓↓↓
有回應的網民認得，現場可能是「蝴蝶邨街市落貨區」，並提醒「嚴格嚟講，你的確係阻住人哋搵食，但係佢吐口水呢個舉動就真係好離譜」，其他網民也指：
•「雖然呢度係落貨區啫，都唔洗吐口水咁缺德嘅」；
•「貨車司機吐口水一定係錯，但如果私家車係落貨區都唔好得去邊」；
•「如果落貨區你私家車半分鐘落客頂住人，比人Ｘ就正常嘅，吐口水就佢激咗」；
•「吐口水指罵他人固然係個人操守有問題；而呢個位其實係大垃圾房&落貨區／緊急車輛通道，有冇設私家車使用規限呢？ 真係要望真先」。
於是，有人化身「掌門人」作裁決，指「死火燈／卸貨區／落人要半分鐘，嘈交／吐口水！（打和Super）」。
另有網民自爆類以經歷，指我試過係蝴蝶街市都俾佢吐過口水，即時用枝空氣清新劑狂噴佢塊面消毒。其他網民回應請瀏覽上圖↑↑↑↑。
相嗌唔好口相關新聞：
巴士上對罵5分鐘大把位都爭位坐？ 大媽：咪掗住兩張凳唔准過界
一輛有大量「吉位」的巴士早前竟爆出爭位風波，兩名女乘客在車上你一言我一語對罵長達5分鐘，期間粗口橫飛。涉事的拍片女乘客更爆出啜核對白：「拿，呢張凳呢個界喺度」、「你唔好掗我呢邊嘅位」、「你畀一個人錢呢，就坐一張凳」、「你自己包晒成架巴士啦」、「小朋友塞住耳仔唔好聽（粗口）」、「人人得以誅之你吖」、「你嗰啲蝦呀、蟹呀攞出嚟吖」。
巴士大媽爭位坐對罵5分鐘逐格睇 ＋ 網民睇唔過眼回應↓↓↓↓
—————
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
