在火炭站發難咬傷兩途人的野豬，逃到1.3公里外被圍捕。其中一名受傷的15歲姓余少年親述遇襲過程。他指甫到火炭站已見到一頭野豬撞向一名女士的大腿，她被撞跌倒地，他上前欲驅趕牠，惟遭野豬攻擊，他形容搏鬥過程持續半分鐘，「最後都要好大力揈開佢，整到自己都受傷先掙脫到出嚟。」
相關新聞：火炭野豬咬傷兩男女手腳 逃遁1.3公里匿草叢 漁護捕獲人道處理
姓余少年親述遇襲過程。羅展鋒攝
余的右手肘被撞傷。羅展鋒攝
余的短褲也被咬穿。羅展鋒攝
警員到場圍捕野豬。劉漢權攝
漁護署人員到場圍捕野豬。劉漢權攝
余指野豬是沿馬場行到火炭站，沿途都有撞人，來到火炭站先撞跌一名女子，「個女仔嚴重好多，瞓低咗，我同個女仔只差半米距離，我隻手受傷，條褲俾佢(野豬)咬爆。」第一眼見到野豬衝過來，余同學坦言「唔知點做好，同佢搏鬥咗幾次，野豬真係幾大力，好吃力掙扎，我用排球鞋袋打佢個頭，佢都係咬住唔放，最後都要好大力咁揈開佢，整到自己受傷先掙扎到出嚟。」
他說當時站內好多人，港鐵職員用圍欄圍住野豬在一個角落，牠曾平伏一段時間，「當時好多途人影相及圍觀，可能佢受咗某啲刺激突然衝出嚟，可能係聲音或光線刺激。」
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
