有市民懷疑遇上「呃食黨」，日前不虞有詐，給聲稱無錢買食物的一行3名男女，在便利店買下數支飲品、3個飯團和1件蛋糕。花掉107大元的事主事後在facebook以「我係咪俾人呃咗啊？」為題發文警世，並補充「佢哋仲想買幾包朱古力，我話太貴啦，我唔肯請」。網民幾乎肯定「被騙了」，並安慰「就當做善事，福有油雞啦」。
有留言的網民及後講出事件原來有續集（詳情見下文），發現3名騙徒始終想食朱古力，得手後折返便利店退換飯團，換走一盒朱古力和兩條「繽紛樂」朱古力。
樓主自述懷疑被「呃食黨」行騙經過 ＋ 網民機警回應↓↓↓↓
樓主7月29日晚上以「我係咪俾人呃咗啊？」為題上載兩相，講述懷疑被騙經過（見下圖）↓↓↓↓
樓主：「話說今晚（29日）Around（大約）7:20pm，係堅尼地城卑路乍街7-Eleven門口遇到三個衣著光鮮講普通話嘅人（一個高大男人，一個肥肥地女人， +1個瘦嘅女人），佢哋聲稱支付寶被限額，攞唔到錢出嚟，問可唔可以喺附近食啲嘢，然後聽日支付寶還錢俾我，我都唔係好信佢哋，然後佢哋扮慘啦，然後我話喺七仔請你哋飲嘢同埋食個三文治啦，咁就洗咗$100，希望佢哋唔係講大話啦，但諗下諗下又好似係呃人，算啦，只係$100」。
樓主並呼籲「如果近來大家再遇到，千祈不要理會，可以建議佢哋報警......」；接著在附上的收銀櫃相片下留言——「就係呃咗我呢幾支飲品，三個飯團，一件蛋糕，佢哋仲想買幾包朱古力，我話太貴啦，我唔肯請，呢度盛惠$107」。
網民講述「呃食黨」事件續集，樓主驚訝 ＋ 網民精明回應
有留言的網民事後竟在回應欄內，透露事件原來有樓主也不為所知的續集——「（便利店）收銀妹妹話佢哋（懷疑騙徒）後尾攞3個飯團返去退，換咗盒朱古力同兩條繽紛樂」。樓主如夢初醒地指「你真係認真嗎？其實七仔妹妹應該提點我吧」。網民回覆指，收銀妹妹以為各人相識，事後也自責了一番。
網民講述「呃食黨」事件續集↓↓↓↓
網民旁觀者清：今次付「智商稅」
回應的網民旁觀者清，有人甚至放上水魚圖譏諷，指樓主今次付了「智商稅」、「經一事，蔡一智」，並批評騙徒貪心「唔貴唔買」，「想再加買朱古力呢下，已經知係搵笨，樓主你唯有當破財擋災啦！」。
網民提醒提防騙徒請瀏覽下圖↓↓↓↓
網民：好心唔可以隨便用
於是有網民提醒「好心唔可以隨便用」、「騙徒嘅手法層出不窮」，強調「原意都係出於好心啫！只係呢個世界太多人利用別人嘅好心！」、「用人哋同情心欺騙人呢啲人等天收，107元係少事攪到自己唔開心先慘」，表明「我一定唔會請，俾三個號碼佢，一定幫到佢，999」，安慰「你就當做善事，福有油雞啦」。
其他網民回應請瀏覽上圖↑↑↑↑和下圖↓↓↓↓
樓主推介「呃食黨」食便利店飯團
網民的留言獲樓主進一步透露——「講樣好笑嘅，我話7-11啲飯團OK你攞個嚟食啦，佢哋話呢啲我哋唔鍾意食，我哋鍾意食『米飯』，然後我就同佢講呢啲飯團香港好受歡迎ga，好好食嘅......佢就無奈接受」。
網民精明回應 ＋ 樓主補充留言請瀏覽下圖↓↓↓↓
網民：這樣的騙子手法20年前就有
有網民似乎作總結發言，直言樓主已被騙「作為一個從小內地長大的人，我認真的告訴你，你被騙了。這樣的騙子手法，20年前就有了。我明白香港以前環境好，大家戒備心不高，現在不同了……下次直接送警署。100元寧願捐給小動物」。
網民精明眼：「呃食黨」騙徒由西環呃到銅鑼灣↓↓↓↓
有神通廣大的網聲稱「我頭先係士美菲路都遇到呀」、「我老公係石塘咀已經被人問過好多次啦，我好期待俾我遇到佢地」；另精明眼網民拍下背影指「一行人由西環呃到嚟銅鑼灣」，相片獲樓主確認「就係佢哋啦！大家認住佢哋，你真眼利！」。
該網民講述自己的經歷——「同一手法，當時都唔認得，唔知佢講咩，以為佢問我邊度有嘢食，我見到佢攞個電話出嚟話WeChat唔知乜鬼，見到佢個WeChat叫『捨得』，再望下佢對鞋，第一反應就知佢哋係想呃我，當時我衝動唔應該話報警，應該跟住佢哋等佢哋想呃下一個人先報」。
事件令不少網民自爆曾遇上「呃食黨」（又叫「請食飯黨」）的類似經歷↓↓↓↓
•經歷一：
我剛才都遇到，個男人話從澳門來（但講國語），仲問我呢度喺邊度，話支付寶被限制，要我買個餐，四個人一齊食。我一聽到支付寶，就話唔識用，有急事走咗，佢仲指明想食中菜！堅尼地城，西餐就多，都唔知掟；
•經歷二：
我在旺角遇到過，一男一女講國語也是要錢買嘢食，當時已經晚上12點幾啦，我扮聽唔明普通話，問佢講咩呀？有困難呀叫佢搵警察，話俾佢知直行前面就是差館，他們好冇趣咁走咗；
•經歷三：
果日有個普通話男人問我，我廣東話話帶佢去差館，佢即刻走人。我嘅邏輯係如果佢係真遊客被遺棄，政府一定比衣食父母食九大簋，否則佢係訛騙拉到入監牢都有飯食，佢點都有飯食。下次搵差人啦，反正你有納稅；
•經歷四：
話時話前排先試過，買咗一排可樂放在乘客位，自己坐司機位等人，有兩個中年女人走埋嚟示意我開窗，然後話無錢食飯叫我俾啲錢佢哋。我知佢哋都係騙徒，所以話無錢，然後佢哋見到啲汽水，就話有汽水飲都好。我費事同佢哋糾纏，就俾咗兩罐佢哋打發佢哋走。結論係：佢哋乜都唔會放過。
回應的網友提醒，兩罐汽水都唔好俾，唔好助長呢啲歪風，香港已經各區都有這種情形出現。
帖文來源：西環變幻時
騙案相關新聞：
妙齡女問人攞飯錢（下集） 行勻全港 讀者爆料：出動ＸＸＸ作道具
妙齡女屯門通街問攞$20飯錢 網民計出日賺高達$????（上集）
變聲騙案｜「技安」嗲聲嗲氣專呃感情：晚安愛你喲 網民打冷震
騙徒狂發短訊釣水魚？ 網民4招退敵 爆笑回應自認：我係你詐騙對象
柴灣「春麗」死跟攞錢 街坊：一陣已收咗幾舊水 網民爆最新行蹤......
「MIRROR」擊退「名畫黨」瘋傳 港男奇招KO騙徒 網民：好癲！
名畫黨｜網民人肉追蹤 總有一張喺附近 十年前肆虐全港曾入侵澳門台灣
「名畫黨」出沒踩中要賠錢？ 醒目網民教應對妙法免受騙【附「名畫」介紹】
「迷暈黨」新招誘苦主埋身 大舉入侵元朗大埔？事主：過一條馬路遇到3個
「催眠黨」疑入侵青衣 港爸自動㩒錢奉獻 痛失$XXXX（附騙徒5大特徵）
西環變種「呃食黨」唔要錢改要ＸＸ 苦主矇查查破財：我係咪俾人呃咗啊？
油麻地驚現離奇「派錢黨」 逐張20蚊派 網民揭一重點極可疑
疑似騙徒多國語言攀談 網民睇起：進步咗好有誠意
騙徒手法層出不窮，現在還要熟用多國語言。有網民近日上載懷疑遇上電騙案的手機whatsapp截圖，見到疑似騙徒以英文、中文和日文留言，真是世界難撈。
港男出po尋物遇「呃茶錢黨」 港男分享智破騙徒經驗
—————
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
