《Fragments of Wonder 鄭中基世界巡迴演唱會2023》於澳門作為演唱會的首站，於前晚（29日）起舉行一連兩場，昨晚（30日）進行尾場演出，一班圈中好友毛舜筠、田啟文（田雞）、導演何爵天、監製錢小蕙、潘兆聰、胡耀輝等入場欣賞外，鄭中基爸爸鄭東漢，以及太太余思敏帶一對子女Emma與Evan到場支持。
【相關閱讀】：獨家丨謝君豪教演夫妻搵返初心：有啲嘢老奉㗎啦 鄭中基邀任《機動兵工廠》導師
【點擊睇鄭中基演唱會】：
鄭中基（Ronald）一出場以唱出《搬屋》後，他表示七年前重啟個唱在澳門舉行，今次巡迴演唱會是他首次擔任監製，豈能不選擇澳門開騷，並謂榮升做監製話事，拍攝演唱會海報既倒模又鋪草皮，為了做好演唱會，就連自己的歌酬也擺入去要做畀大家睇。最搞笑Roanld表示自從有子女後每逢六、日不開工，就連古天樂約他也拒絕，所以今個周末入場的觀眾勁過古天樂，更爆開騷前收到指令，囝囝Evan要求在螢光幕顯示其名字，然後他叫在場觀眾一起叫子女的名字，果然名副其實「暖男爸爸」。
Encore時，有場歌迷要求唱 《青春豆》，Ronald即澄清此曲並非他主唱，而是徐小明，不過他亦照唱滿足觀眾要求，其後觀眾又大叫要點唱《龍咁威》，他亦無托手踭答應。最後他獻唱《時間人物地點》為個唱完滿結束。
每月入紙紅館盼開騷
Ronald完騷接受訪問，對於首次為個唱擔任監製，他笑言事前不知做監製好多事要處理，就連拎枝筆要問他，而且要控制成本解決問題。他說：「我都覺得瀨瀨地嘢！歌酬擺埋入去，啲人都話睇完我呢個舞台都驚嘆，只係兩晚，但我覺得第一次要好睇。」Roanld直言想盡快可在香港開演唱會，亦有每個月入紙申請紅館場館，不過之前監製入紙申請要第十三次先成功，希望他今次毋需13次以上。他說：「我都想去英國開騷，但排咗10月尾到加拿大，11月就雲頂開騷。」問到是否滿意澳門開騷的表現？他直言有很多可改善地方，心目中現在只有七成功力，因為想舞台形造出空中之城，但澳門的場館只有一半，若香港開騷則可有四面台顯現出來。問到開騷可有令他情緒起伏？他說：「做呢個騷好從容，已經無諗嘢，好Chill。」他又指不會安排「機動兵工廠」學員跟其出埠演出，皆因要留港撐住個「機動電視台」。
提到他首次公開唱《我要做Model》主題曲《Beautiful people》，會否唱更多跳舞快歌？他即搞笑謂：「頭先唱已經郁咗！唱《搬屋》時已經急屎，但依家又無咗急。」Ronald更解釋囝囝為何要求在螢光幕顯示其名字，因為囝囝睇視電上的Rapper歌手演出時，若有嘉賓到場也會叫個名字，所以囝囝今次也要求有份。
【其他文章】：
鄭中基舉行世界巡唱首站澳門開鑼 首擔任演唱會監製：自己話晒事
鄭中基招募演員君如任導師 一行埋就講教育齊呻囡囡鍾意聽外人講嘢
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
