李玟CoCo喪禮丨李思林稱母難忍喪女之痛不再慶生安排喪禮日喊十幾次

天后李玟（CoCo）於今年7月5日逝世，終年48歲。李玟喪禮今日（31日）在香港殯儀館舉行，多位圈中好友到場送別，追思會約下午6時完結，及後開放給歌迷到場致祭。今晚TVB節目《東張西望》播出李玟二家姐李思林（Nancy）的訪問片段，李思林談到家人情況，坦言理解母親心情，提到睹物思人時更一度飲泣。

【點擊睇李思林談胞妹李玟啜泣】：

李思林接受節目《東張西望》訪問，談及家人情況。

李思林哽咽感謝有專業的朋友幫助，處理喪禮事宜。

李思林表示每睇到一次胞妹李玟的片段或事物，都會流淚。

李思林透露母親曾請求要救回女兒李玟。

李思林指母親表示以後不再慶祝生日，情況麻麻地。

李思林含淚表示李玟曾向她透露喜歡的衣物。

李思林指自己見到李玟張牀，又令她記起胞妹曾經對她所講的說話。

李思林坦言對胞妹李玟離世好傷心。

李玟靈堂內佈置。

李思林致詞悼念胞妹。

李思林強忍悲痛。

李思林坦言心情好難講。

李思林借用妹妹以往很愛說的一句話，向來賓致意。

李思林多度哽咽。

一眾來賓離開前上前向李玟家屬慰問。

一位男親友與李玟兩名胞姊擁抱。

期間李思林嚎哭。

李思林多番大叫「害死我個妹」。

觀看喪禮直播的網民都即時留言表示心疼。

李思林受訪時哽咽感謝有專業的朋友幫助，處理喪禮事宜：「咁樣就可以我唔使樣樣自己做，個過程好困難，譬如啲粉絲每一個俾啲片段我睇，我就喊一次，公司俾啲片段又喊一次，聽佢歌剪輯又喊一次，好朋友講佢嘅故事又喊一次，我每日可能喊10幾次。佢嘅廣告我睇初版又喊一次，之後又喊一次，我唔知幾時先會唔喊囉，對我嚟講呢個唔係一個項目，我好難變咗一個項目心情去處理。」

離世前幾晚成日一齊

談到李玟離世前幾日，李思林眼泛淚光續說：「佢走之前嗰幾晚我哋成日都一齊，所以佢張牀又令我記起，妹妹同我講過啲乜嘢，所以我覺得自己無好好幫佢處理啲衫，因為佢同我講佢鍾意啲咩裙呀，不過唔緊要啦！呢啲都係物件。」

相信會成為快樂小天使

年屆逾80歲的母親，李思林直言媽媽的情況麻麻地，自己亦好傷心：「媽咪就麻麻地啦，80幾歲，呢幾日佢生日，佢都話以後佢都唔再慶祝，我明白佢個心情，對佢嚟講個心好似俾人挖咗個窿咁。一個老人家好難去送白（黑）頭人，佢自己喺醫院都話，我30幾歲就死咗老公，80幾歲個女點都一定要救返，我嗰時都咁同醫生講，所以都多謝啲醫生盡咗佢哋嘅努力。佢喺度嘅時候就係個快樂嘅小天使，佢走嘅時候我相信佢都會做個快樂嘅小天使。」