41歲孫慧雪在上周三（26日）誕下9磅重的細仔，目前在坐月中的孫慧雪，雖然忙着湊Ｂ，但她仍在社交平台分享湊B的軼事，昨日她貼上一樽「紅色小丸子」，原來這些「紅色小丸子」是孫慧雪陀細仔的胎盤，她的老公專登找人製成藥粉給老婆補身！
【相關閱讀】：孫慧雪細仔出世可愛樣曝光 身形超大碼面珠脹卜卜
【點擊睇孫慧雪食胎盤】：
孫慧雪在社交平台笑言追趕最近的Barbie粉紅潮流：「連我啲胎盤都製成粉紅藥丸！我老公最後上網幫我搵咗專人製成藥粉補身，入院生B當日向院方表示要留胎盤，並將專人預先寄嚟嘅雪藏箱交俾姑娘，待生產完，通知專人去醫院收回胎盤，並代為清潔蒸乾再製成藥粉。」
外國流行多時
孫慧雪又稱原來這種丸在外國已經很流行，只不過在香港比較少有：「我問專人點樣確保個胎盤係我嗰個？佢話真係講個信字，咁我唯有信佢啦！據說的功用：補身、多啲母乳、復原快、精神價錢：大約 $6000多 (包埋製精油）如果剩胎盤四千多。」結果惹來不少網民留言，有人問：「真係可以食落肚？」孫慧雪回覆說：「我都唔知呀！我大膽試㗎咋！」不過亦有網民表示在澳洲、馬來西亞已經有流行，甚至有人形容「西式紫河車」，又有人覺得是高科技版《三更之餃子》。
不過孫慧雪在7月中的時候，已經出PＯ問網民：「我記得上一次生BB嘅時候，醫生問我留唔留胎盤，我想問，有冇人留過，同埋留嚟可以點用㗎 ？真心問！」她還認真地說：「 因為我有住喺外國嘅朋友，佢話有公司會攞嚟做藥粉，跟住就可以自己食返，但香港好似冇！」當時有網民回覆：「馬來西亞這裡是可以把胎盤做成中藥一粒一粒（藥粉），然後可以自己吃回去補身哦」，更有人說：「我99（奶奶）有叫過我問醫生拎返，我問佢拎黎做乜，佢話拎嚟食補返，但我接受唔到！」
【其他文章】：
孫慧雪臨盆在即體重飆升至呢個數 孕肚竟達45吋坐卡位都冇空隙
孫慧雪挺巨肚落手落腳為囝囝搞奢華生日會 一家三口家庭裝變「滑嘟嘟」？
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
