劉威煌揭乞人憎舊史：以前樣衰又自大，E-Kids Alan玩《中年2》冇老前輩包袱。
Previous Next

TVB《中年好聲音2》極受過氣歌手歡迎，同樣43歲的第一屆《超級巨聲》第5名劉威煌、組合E-Kids成員林詠倫(Alan)都衝去報名。威煌直言戴晒「頭盔」去「洗底」，希望能搣甩樣衰、自大、乞人憎的感覺；至於Alan坦言冇咗《全民造星III》「老前輩」的包袱，可以真正享受測試實力的舞台。採訪：方騫平 攝影：朱偉彥(劉威煌) 場地：The Stadium(林詠倫)、Arcadia(劉威煌)

劉威煌搵返勇氣參加歌唱比賽，形容如同更生人士再次投入社會，要面對好多難關。
劉威煌搵返勇氣參加歌唱比賽，形容如同更生人士再次投入社會，要面對好多難關。
林詠倫會平常心作賽，只會玩多一次，唔會「磨爛蓆」。
林詠倫會平常心作賽，只會玩多一次，唔會「磨爛蓆」。
威煌有好多包袱，故於last minute才報名。
威煌有好多包袱，故於last minute才報名。
希望大家重新認識他。
希望大家重新認識他。
反而唔追求名次。
反而唔追求名次。
威煌享受每次演出機會。
威煌享受每次演出機會。
Alan人生好有目標。
Alan人生好有目標。
𠵱家更要加把勁。
𠵱家更要加把勁。
林詠倫簽咗新公司有新的目標。
林詠倫簽咗新公司有新的目標。
Alan主力內地發展。
Alan主力內地發展。

2009年巨星幫出身的劉威煌被前輩區永權游說參賽，但於last minute才報名，直言因為有太多經歷被嚇窒，但又怕將來會後悔，內心好掙扎：「人一世物一世唔理得咁多，最重要把握到3、4分鐘，表達到自己『故事』，希望大家睇到我進步，而唔係好似以前咁九唔搭八。」

劉威煌海選時演繹側田《情歌》，自嘲表現失準好核突，但獲3大評審激讚。
劉威煌海選時演繹側田《情歌》，自嘲表現失準好核突，但獲3大評審激讚。
熱愛音樂嘅劉威煌從冇放棄過唱歌，不時跟前輩區永權「合體」做網上直播。
熱愛音樂嘅劉威煌從冇放棄過唱歌，不時跟前輩區永權「合體」做網上直播。

不甘被網絡攻擊

劉威煌唔再同網民搞對抗，更踩埋自己一份：「過往好執著，就連批評我個樣似電影《九品芝麻官》嘅奸角『常威』都嬲餐死，唔甘心被網民攻擊，負面情緒搞到收埋自己兼轉行(2016年轉行經營珍珠奶茶店)，𠵱家會同自己講『都好呀！有人記得好過乜都冇。』其實只要設身處地諗多啲，就會明白，除非你好有價值，否則世上冇嘢值得去誣捏。」

威煌曾受TVB力捧，與林師傑、許廷鏗、陳鴻碩組成「Super 4」。
威煌曾受TVB力捧，與林師傑、許廷鏗、陳鴻碩組成「Super 4」。
以前經常扮rock。
以前經常扮rock。
威煌2009年巨星幫出身。
威煌2009年巨星幫出身。
曾開過個唱。
曾開過個唱。
劉威煌不甘遭網絡攻擊而轉行，2017年投資500萬成為台灣茶飲品牌的香港總代理。
劉威煌不甘遭網絡攻擊而轉行，2017年投資500萬成為台灣茶飲品牌的香港總代理。

無心冒犯羅力威

劉威煌覺得以前嘅自己好唔順眼，「以前個頭染到又紅又藍，成日着皮褸扮rock，但根本rock唔起，所以咪畀人取笑係『流rock王』囉；又試過好心做壞事，因為戰友介懷同場嘅fans唔夠《亞洲星光大道》冠軍羅力威多，我就喺社交網留言鼓勵話『我哋係實力股！』，無心冒犯只係撐朋友，結果社交網被轟炸，自此人氣下滑，時至今日仍然抹唔走『實力股』呢個花名。」劉威煌提舊史越講愈嬲自己，「唉！事發時都成31歲人，腦囟都未生埋，仲嬲人哋歪曲我本意。」學會放下的劉威煌，自知以往乞人憎，評語離不開自大、樣衰、溝通唔到，「希望大家高抬貴手試吓重新認識我，比爭奪名次更重要，其實我只係不擅表達，哪裏來的自大呀？」

2009年《亞洲星光大道》冠軍羅力威紅咗多年，有唔少鐵粉。
2009年《亞洲星光大道》冠軍羅力威紅咗多年，有唔少鐵粉。
羅力威係《亞洲星光大道》冠軍。
羅力威係《亞洲星光大道》冠軍。

冇同曾志偉單聲

另外，Alan 3年前以40歲「高齡」挑戰過《造星III》，他稱對手太年輕，今次搵到一個真正屬於自己嘅「戰場」：「其實布志綸都問過我，『點解比賽時要遷就班女仔個key？唱啲歌又唔熟識？』但冇所謂啦，唔想畀人覺得恃住係『老前輩』。」他強調今次參賽，事前冇向TVB「曾總」曾志偉(前Stareast老闆)「打招呼」：「咁小事唔好驚動佢啦，靠關係走唔到幾遠，而且自己又唔係冇目標，𠵱家我簽咗一間新公司向內地發展，公司對我好有信心，頭炮揼本100萬，11月於廣州舉行小型演唱會，又拍攝講心路歷程嘅微電影《銳變》及出新歌。」

43歲 Alan繼續追夢，並以師傅譚詠麟的《一生中最愛》參賽。
43歲 Alan繼續追夢，並以師傅譚詠麟的《一生中最愛》參賽。
Alan唔計較能否打入100強。
Alan唔計較能否打入100強。
3年前Alan以40歲之齡參加《造星III》，同組參賽者是陳葦璇、Mischa及顧定軒等。
3年前Alan以40歲之齡參加《造星III》，同組參賽者是陳葦璇、Mischa及顧定軒等。
《造星III》不是Alan年紀嘅比賽舞台。
《造星III》不是Alan年紀嘅比賽舞台。

Alan期望藉住參賽，向圈中人帶出永不放棄的訊息，並有感而發：「做呢行真係唔容易，好多『鍵盤戰士』叫我腳踏實地打份工，其實放咗20年喺呢行唔係話轉就轉，白費咗20年時間咪更加認輸？我係『紅褲子出身』更加珍惜演出，年紀越大只會越勤力去追返啲時間。」

16年，E-Kids曾經重組，翌年1月舉行《E-KIDS 3XL Concert》，但3子再難合體。
16年，E-Kids曾經重組，翌年1月舉行《E-KIDS 3XL Concert》，但3子再難合體。
Alan常做直播。
Alan常做直播。
新公司仲投資為Alan拍微電影《銳變》。
新公司仲投資為Alan拍微電影《銳變》。
Alan與E-kids舊隊友郁禮賢去年初再合體，改名E-Kai想重新出發，二人拍新歌《I know they know》MV。新歌MV預埋「Jackdai」戴鎧霖。
Alan與E-kids舊隊友郁禮賢去年初再合體，改名E-Kai想重新出發，二人拍新歌《I know they know》MV。新歌MV預埋「Jackdai」戴鎧霖。
Alan加盟新公司在內地發展，11月於廣州舉行《何事我會妒忌》小型個唱。
Alan加盟新公司在內地發展，11月於廣州舉行《何事我會妒忌》小型個唱。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ