伸出援手，遞出樸實的善意往往小事意義大。將軍澳兩位街坊，日前主動接力抱起因甩掉腳甲痛極無法走路的男童，給才分娩兩星期的坐月媽媽幫上大忙。好人好事在網上流傳，一個接一個，傳遞的是暑天午後的暖心小故事，也是一個叫人熱淚盈眶的堅實信念：我今日幫你，他朝有一日人哋都會幫返我個孫。
兩街坊接力幫忙相片逐張睇 ＋ 網民感人至深回應↓↓↓↓
樓主：uncle好快手就抱起扭計中的仔仔行出診所…。網圖
網民：不如叫姑娘教你點樣喺屋企處理傷口？佢整親腳你又坐緊月，兩個都唔方便出街。網上截圖
樓主：另一個uncle接力孭住呀仔送到去樓主屋企樓下。網圖
網民：好人好事，街坊彼此互相幫助，散播愛心種子。網上截圖
兩位無名英雄。網上截圖
網民教路洗傷口。網上截圖
坐月媽媽銘記不相識的暖意
坐月媽媽消受過以上這份不相識的暖意後銘記心頭，8月4日傍晚近6時在網上發催淚長文道謝兩位無名英雄，強調「感激之外！還是感激！」，並引述其中一位叔叔所言「我今日幫你，他朝有一日人哋都會幫返我個孫」。
坐月媽媽催淚長文全文↓↓↓↓
樓主貼相謝謝兩人出手相助。網上截圖
多謝頭先熱心幫忙嘅兩位街坊 多謝你哋無私嘅付出…大家素未謀面…
都係一齊去診所洗傷口… 大家都有傷在身⋯⋯
但你哋都幫我抱住成25kg嘅仔同孭住佢 我真係講十萬句多謝都唔夠…
事源係仔仔百厭，右腳意外冇咗腳甲 要每日去洗傷口…
琴日（8月3日）喺將軍澳醫院睇完急症包紮咗都行到返屋企…
今日（8月4日）第一次喺（坑口）寶寧路間診所洗傷口
出發時仔仔都可以由屋企行到去診所…點知洗完之後佢話痛到行唔到…
一大滴又一大滴嘅眼淚流下…（我知真係好痛嘅）
已經喺診所同呀仔氹咗一大輪…又鼓勵咗佢好耐 佢真係一步都行唔到…
都有人提議我抱起佢， 其實做呀媽嘅我平時都力大如牛…
不過啱啱生完BB兩個星期… 我自己都有傷口…我都有我嘅無奈⋯⋯同不便…
本身諗住借部輪椅出去搵的士… 但呀仔都唔配合…
跟住就有兩個uncle話抱佢出去搵的士
uncle好快手就抱起扭計中的仔仔行出診所… 點知黑仔到一部的士都冇…
另一個uncle就接力孭住呀仔送到我哋去屋企樓下 都成十幾分鐘路程⋯⋯
真心好彩有你哋嘅幫忙 其實你哋都有傷在身！
我除了感激之外！還是感激！ 真係好多謝你哋嘅幫助！
#香港仲有愛 #容許我沒有告知的情況下拍下你們的相
#uncle話我今日幫你 #他朝有一日人地都會幫返我個孫
#香港是需要團結與互助 #感謝感恩（全文完）
樓主貼相道謝。網上截圖
樓主帖文。網上截圖
好人好事網民深受感動
回應的網民深受感動，形容兩位街坊為「無名英雄」，指「聽到都好感動！祝兩位叔叔同阿仔早日康復」、「希望阿仔快啲好返，長大後幫助啲有需要嘅人」、「好人好事好感動，好慶幸仲有咁好心嘅人。大家一齊努力將哩個世界變得更加美好！」。
另有人同時關心到坐月媽媽，指「你自己啱啱生完BB，都要照顧好自己，要好好休息」，於是有網民建議「不如叫姑娘教你點樣喺屋企處理傷口？佢整親腳你又坐緊月，兩個都唔方便出街」，另有人提供詳細的洗傷口方法。其他網民回應請瀏覽下圖↓↓↓↓。
網民感人至深回應↓↓↓↓
網民：超級有愛。
網民：聽到都好感動！祝兩位叔叔同阿仔早日康復。網上截圖
網民：街坊熱心上嚟真無言。
網民：好人好事好感動，好慶幸仲有咁好心嘅人。大家一齊努力將哩個世界變得更加美好！網上截圖
網民：人間有情，暖在心頭！
網民：希望阿仔快啲好返，長大後幫助啲有需要嘅人。網上截圖
網民：善心愛心滿載的街坊。
網民：其實這些事在我小時候是很平常，左鄰右里都好，不過都幾十年前了。網上截圖
網民：將軍澳街坊鄰里好好！睇文字都已經好感動。
網民：感動！ 祝你地兩母子快d好番，兩位真的漢子好心有好報。網上截圖
網民：絕對值得表揚！感動仲有仗義相助嘅人。
網民：好人好事要分享。網上截圖
網民：好難得！好感動！
網民：冇咗隻腳甲，聽到都覺得痛，都理解小朋友點解唔行，孭住比抱住冇咁辛苦，辛苦兩位叔叔。網上截圖
網民：天氣又熱，難得兩位好人又唔介意熱又唔介意用力。
網民：唔係吹水，我見到你嘅我都會即係幫你，25kg嘅，我一個人應該可頂20分鐘
網民：好人有好報，媽媽坐緊月要保重自己身體。
網民：睇文字都好感動，有時撞正自己好無助時有人伸出援手，個下真係萬分感激。網上截圖
網民：你自己啱啱生完BB，都要照顧好自己，要好好休息。
網民：超感動！uncle句話，以前睇文已見過類似嘅版本，但真人，仲要係長輩講出嚟，力量無比強大！網上截圖
網民：好感動，真係好珍惜呢種互助嘅精神。
網民：我自己都試過，無咗腳甲，係痛到行唔到㗎。網上截圖
網民：呢d事睇到都開心，善良有愛心嘅背影。
網民：我今日都見到，我以為係個爸爸咁勁抱住個唔舒服嘅（大個）仔去搭車，隔離個uncle好緊張好擔心小朋友，原來係唔識嘅，好人好事。網上截圖
網民：無名英雄，默默做好事。
網民：好人好事好有愛，小朋友會從中吸收到愛，媽媽無助中得到幫助，很感動；謝謝伸出援手。網上截圖
網民：將軍澳街坊真係無得頂。
網民：正能量，好感動好有愛嘅香港，助人為樂，人人獻出一點愛香港充滿愛 ，社會和諧。網上截圖
網民：我睇到都感動，好人有好報。
網民：
謝謝善人的幫助！致敬！
網民：好感人嘅小故事。
網民：香港應該係咁。依d人情味真係好難搵返。
帖文來源：將軍澳主場
相關新聞：
「後悔生你們...」80歲母親發催淚千字遺書 網民狂Loop：句句戳中要害！
「後悔生你們...」80歲母親發催淚千字遺書 網民狂Loop：句句戳中要害！
一封80歲母親的千字遺書，在網絡熱傳狂Loop，「我後悔生了你們，如果有來生，再也不見了......」句句戳中淚點，句句走進心窩，值得不少子女反思。
80歲母親千字遺書 句句戳中要害｜足本全文點擊即睇↓↓↓↓
兒子們：今天我過了80歲生日，也就是說，我活了整整80個年頭了。
這麼長的歲月裡，我生了你們4個，又幫你們帶大8個孩子。
也就是說，我這一生，用一雙手，親手撫養兒孫12個人。
但是，我老了，老到要看你們的臉色生活。
尤其幾年前，你們父親去世後，我明顯感覺到你們對我的不耐煩，一日多過一日。
你們父親剛去世那會兒，我真心希望哪個兒子能把我接到家裡。
我想和你們一起生活，哪個都行。
哪怕就住一段時間，以緩解你父親走後帶來的傷痛和孤寂。
為此，我盼了兩個月。
兩個月後，我心涼了。
我知道，不會有誰肯接我去你們家。
好在那時候你們對我也算可以。
四個人輪班，每人一個星期，這樣每天晚上，我就不怕了。
說心裡話，到了我這個年紀，活到我這個份兒上，還有什麼可怕的呢？
我怕的不過是寂寞。
我的兒子們，你們陪伴我度過了一年零九個月，也就是大約630天。
-->
