汪明荃（阿姐）今日與老公羅家英參與節目《思家大戰》錄影。兩人指很耐未玩過遊戲節目，阿姐就指自己做主持多，現在就「懵查查」不知如何玩，問兩人事前是否有準備？家英哥說：「聽講唔使做定功課，做咗反而會諗得太複雜。（有冇信心贏？）信心大把，不過對面仲厲害。」阿姐指曾經在遊戲中贏過車，現時家英哥正在使用，家英哥亦表示也曾在《獎門人》中贏過車，並指過往玩遊戲時贏過很多獎品。
【相關閱讀】：75歲汪明荃被老公爆底褲顏色發火鬧人 羅家英振夫綱：收下聲啦
【點擊睇羅家英汪明荃錄影《思家大戰》】：
稍後家英哥將會和明星足球隊一起到貴州踢波，不過阿姐就因為要拍廣告而不會同行，而家英哥聽後即開心表示要食魚翅慶祝，不過阿姐就即時著他不要鼓吹食魚翅，家英哥搞笑地話：「有個老婆咁識賺錢真係好，我哋呢啲食軟飯嘅。（食得開心？）開心！我啲牙又唔係咁好，啲飲軟軟哋幾好。」提到家英哥於電台節目大爆阿姐私隱，指她穿粉紅色內褲，問家英哥回家後有沒有跪玻璃？他説：「冇，佢聽唔到我講嘢。（全部粉紅色？）總之冇紅色，我就有，平時都會著。（送套紅色畀阿姐？）唔使你話我聽，如果聽你講去做就受你影響。」至於阿姐在旁則顯得非常尷尬，著他不要再講這個話題。至於家英哥就自爆平日通常會送手袋給阿姐，更豪氣表示只要是貴的就會買，而家英哥指雖然比全世界指食軟飯，但買手袋的錢是自己出：「佢嘅錢係佢嘅，我嘅錢係我嘅，我冇攞佢啲錢使，佢又唔會畀錢我使，我亦都唔會畀錢佢使。」
古佩玲放話想有人追
同場的古佩玲（Kelly）表示在新劇《寵愛Pet Pet》中將會對周嘉洛一見鍾情，之後更會介入他與林夏薇的感情，問Kelly現實中是否試過女追男？她表示未，通常也是兩情相悅，又笑指因自己性格內斂，故今次的角色需要很多能量：「劇中係任性大小姐，唔理嘉洛鍾唔鍾意我，我都表達我嘅愛意，好崇拜佢，佢好幽默，覺得佢好Charm。（現實呢？）Charm！（係咪你杯茶？）未知住，要睇feel，冇話一定要有咩條件，最緊要睇夾唔夾同對我好唔好。」Kelly指現實中的初戀就是一見鍾情，不過到最後也是分手收場：「第一任男友……在我去選港姐嗰陣，嗰陣時Long distance咗好耐。」她又謂現時沒人追：「我都想有人追，追我，我會盡力跑，你追我跑先有feel，（追追下冇氣！）我送氧氣。（怕唔怕俾人話得吊高嚟賣？）唔會，鍾意我嘅人就一定會鍾意我。」
【其他文章】：
盤點圈中10對經典情侶檔丨鄭少秋汪明荃橫跨30年情 陶大宇郭可盈拍足六部
汪明荃羅家英Gucci情侶裝又出動！曾豪花22萬買高訂做戰衣 呢個牌子都係阿姐至愛
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
